پاراستنا قەوارێ هەرێمێ خەباتا چەکێ پێشمەرگێ کۆردستانێ یە

زەنون سلێڤانەی ــ زاخو

هەلبەت ئەڤرو ئەم لسەر بابەتێ پاراستنا قەوارێ هەرێما کۆردستانێ هێڤێنێ رەنج و خەباتا چەکێ پێشمەرگەیێ ددەنە خویاکرن . پاراستنا قەوارێ هەرێمێ ئەڤ قەوارە نە بدیاری ب مە هاتیە دان . بەلکو دەرئەنجامێ بدەهان سالێن خەباتێ و قوربانیدانێن بێ هژمار یێن گەلێ مە یە سەروەریێ وان ژی خەباتا چەکێ پێشمەرگێ قارەمان ،
پێشمەرگە دژوارترین قویناغ دا پاراستنا دەستکەفتان تێگەهێ پێشمەرگەیێ کۆردستانێ ب تنێ هێزەکا سەربازی نینە . ئانکو فەلسەفەکا نیشتیمانی و شێوازەکێ ژیانێ یە دسەر دەمێن زورداریێ دا چەك هلگرتی و دئازدایا هەرێمێ دا بوویە کالکێ ڤێ ئاڤەهیا مەزن یا کو ئەم ئەڤرو تێدا دژین ،
ئەڤ قەوارێ هەرێمێ کو ئەم پێ شانازیێ دکەین د چەندین قویناغێن هەستیار دا بخوینا پێشمەرگەی هاتیە پاراستن . لدژی رژێمێن دیکتاتور پێشمەرگەی ب خەباتا خوە ل چیا و باژێران بناغەیێن ڤێ ئازادیێ دانان لدژی رێکخراوێن تیروری و تیروریستیا داعش دا پێشمەرگە بوو دیوارێ پولایین یێ کو نەهێلا خەونێن گەلێ کۆردستانێ لژێر بن دەستیێ تاریپەرستان ئەڤ قوربانیدانە بوونە جهێ رێزا هەموو جیهانێ و ئەڤە ب خوە پاراستنا کەرامەتا هەرێمێ بوو ،
پاراستنا قەوارەیێ ئەرکێ مە هەمیانە پاراستنا قەوارێ هەرێمێ ب تنێ ئەرکێ پێشمەرگەی نینە . بەلکو ئەرکێ هەموو گەلێ کۆردە ب رێیا پشتەڤانیا هێزا پێشمەرگەی برێکخستنا هێزێن وەلاتپارێز دناڤ چارچوڤەیێ وەزارەتا پێشمەرگەی دا داکو ببیتە هێزەکا نیشتیمانی بو ڤێ قویناغا داهاتی ،
هشیارکرنا نەتەوەیی نابیت ئەم رێ بدەین ململانەیێن سیاسیێ و یاژبیرببەن کو ئەڤ قەوارە چەندیا پیروزە ، ئێکگرتن و ئێکرێزیا هێزا هەرێمێ د ئێکگرتنا گەل و حکومەت و پێشمەرگەی دایە هەر دەمێ ئەم ئێکگرتن و ئێکرێزبین قەوارێ مە پاراستی یە ،
یاخویایە پێشمەرگە لسەر چیا و دسەنگەران دا چەکێ خوە دگرت داکو ئالایێ مە بەرزو بلند بمینیت ،
ئەم لڤێرێ دڤێت ب ئێکگرتن و ئێکرێزیێ کارو خەباتێ بکەین دلسوزانە ڤی قەوارەی پێش بێخین قەوارێ هەرێما کۆردستانێ ئەو مێژووا حوینا وی یاپێشمەرگەی یە کو بوویە ئەڤرویا مە یائارام بلا ئەم هەمی دوەفاداربن بو وان خوین رێژتنێ بلا پاراستنا ڤی قەوارەی ئارمانجا مەیا ئێکێ بیت ؛