محەمەد شیاع سوودانی تاکە بەربژارێ بۆ پۆستێ سەرۆکوەزیران

پەیڤدارێ هەڤپەیمانییا ئاڤەدانکرن و گەشەپێدانێ دیار كر: محەمەد شیاع سوودانی تاکە بەربژارێ وانە بۆ پۆستێ سەرۆکوەزیران و خودان قەبوولکرنەکا مەزنە ل سەر ئاستێ ناڤخۆیی و نێڤدەولەتی” ئاماژە ب وێ چەندێ ژی کر کو کۆمبوونا چارچووڤێ هەماهەنگییێ بۆ رۆژا دوشەمبی هاتیە پاشخستن ب مەرەما گەهشتن ب کۆدەنگییا دووماهییێ، بەلێ دێ پێگیر بن ب وادەیێن دەستووری.
فیراس مەسلەماوی، گۆت ژی: نوری مالکی ژ بەربژاربوونێ ڤەکشایە و پشتگیرییێ ل “باسم بەدری” دکەت” سەدەمێ ڤەکشانێ ژی بۆ هەبوونا تێبینییان ل سەر مالکی ڤەگەراند و گۆت: “هەر چەندە بڕیارا سەرۆکوەزیران یا عیراقییە، بەلێ دڤێت بەربژار ل دەڤ پێکهاتەیان و جیهانێ ژی یێ قەبوولکری بیت.”
پەیڤدارێ هەڤپەیمانییا ئاڤادانکرنێ جەخت ل سەر وێ چەندێ کر، ژبەر کو مالکی نە بەربژارە، سوودانی تاکە بەربژارێ وانە و پێگیریێ ل سەر دکەن” د هەمان دەم دا راگەهاند کو سوودانی پێگیرە ب ئێکڕیزیا چارچووڤێ هەماهەنگییێ و پەنایێ بۆ زۆرینەیا پەرلەمانی ل دەرڤەیی چارچووڤەیی نابەت.