شێخ بابۆ سادەییەک لە ڕەگەزی خزمەت و هیوایەک بۆ داهاتووی گەنجانی کوردستان
[ لوقمان عوسمان گه ڵاڵی]
کاتێک باس لە سەرکردایەتی گەنج لە کوردستان دەکەین ناوی مستەفا مەسعود بارزانی کە لە ناو خەڵکدا بە شێخ بابۆ ناسراوە وەک سیمبولێکی مۆدێرن و مرۆڤدۆست دەدرەوشێتەوە ٧ی شوبات تەنها یادی لەدایکبوونی گەنجێک نییە بەڵکو یادی هاتنی کەسایەتییەکە کە توانیویەتی لە نێوان ڕەسەنایەتیی ڕێبازی بارزانی و زانستی سەردەمدا پردێکی پۆڵایین بۆ خزمەتی مرۆڤایەتی بونیاد بنێت ئەو گەنجەی کە بە شانازییەوە ناوی مەزنی مستەفا بارزانی نەمری هەڵگرتووە و بووەتە میراتگری ڕەوشت و سادەیی ئەو قوتابخانە گەورەیە
لە ناو ئازار و خۆشییەکانی خەڵکدا ئەوەی شێخ بابۆ لای جەماوەر خۆشەویست دەکات تەنها ناو و نازناو نییە بەڵکو ئامادەیی بەردەوامیەتی لە هەموو وێستگەکاندا ئەو تەنها لە بۆنە فەرمییەکاندا نابینرێت بەڵکو لە کاتی لێقەومان و ناخۆشییەکاندا یەکەم کەسە کە دەگاتە ناو خەڵک و هاوخەمییان دەبێت لە جەژن و خۆشییەکانیشدا وەک برایەکی سادە لە ناو خزم و دۆستان و هاوڵاتیاندایە ئەم خاکیبوونە ڕەگێکی قووڵی لە پەروەردەی ماڵی بارزانیدا هەیە کە هەمیشە خۆیان بە خزمەتکاری گەل زانیوە
خەمخۆری پڕۆژە و ئاوەدانی شار شێخ بابۆ تەنها بینەر نییە بەڵکو پاڵنەرێکی سەرەکییە بۆ پڕۆژە ستراتیژی و خزمەتگوزارییەکان ئەو بە دیدگایەکی وردەوە چاودێری گەشەپەیدانی شار و وڵات دەکات بەردەوام هاندەری پڕۆژەی وا بووە کە هەلی کار بۆ گەنجان بڕەخسێنێت و ژینگەی کوردستان بەرەو ئاوەدانیی زیاتر بەرێت لای ئەو نیشتمانپەروەری واتە ئاوەدانکردنەوە و خزمەتکردنی بێمنەت
زانست وەک چەکی سەرکەوتن ئەو وەک گەنجێکی خاوەن دیدگا بڕوای تەواوی بەوە هەیە کە داهاتووی کوردستان لە دەستی ئەو گەنجانەدایە کە خۆیان بە زانست و مەعریفە پڕچەک دەکەن شێخ بابۆ وەک سیمبولی نەوەیەکی پێشەنگ دەردەکەوێت کە تێدەگات سەربەخۆیی ڕاستەقینە لە ڕێگەی پێشکەوتنی فیکری ئابووری و تەکنەلۆژییەوە بەدەست دێت
سادەیی گەورەترین نازناو شێخ بابۆ لە قوتابخانەی باوکی گەورەی جەنابی سەرۆک مەسعود بارزانی و لە ژێر چاودێری و هاوکاری برای گەورەی جەنابی مەسرور بارزانی فێری ئەوە بووە کە کارکردن لە بێدەنگیدا و بەدەستهێنانی ئەنجامی گەورە بۆ خەڵک لە هەموو شتێک گرنگترە سادەییەکەی ئەو نەک هەر نیشانەی میهرەبانییەتی بەڵکو هێزێکی مەعنەوییە کە وای کردووە هەموو گەنجێک بێ پەردە و بەربەست خۆی تێدا ببینێتەوە
پەیامی پیرۆزبایی لە یادی ٤٥ ساڵەی لەدایکبوونی شێخ بابۆدا هیوای تەمەنێکی درێژ تەندروستییەکی باش و سەرکەوتنی بەردەوامی بۆ دەخوازین بوونی گەنجێکی ئاوا خەمخۆر و هەڵگری ناوی بارزانی نەمر دڵنیایی دەداتە هەموومان کە داهاتووی ئەم خاکە لە دەستێکی ئەمین و دڵسۆزدایە
٧ی شوبات یادی لەدایکبوونی مرۆڤە سادە و دڵسۆزەکە مستەفا مەسعود بارزانی شێخ بابۆ پیرۆزبێت تەمەنت درێژ و کاروانی خزمەتت هەمیشە پڕ لە بەرەکەت بێت بۆ کوردستان
