یانەیا شێلادزێ؛ ناسنامەیا وەرزشی و کەلها خۆڕاگریا دەڤەرێ
ڕاپۆرت: [سەیاف مازی]
د ناڤ جەرگێ چیا یێن سەرکێش و ل سەر ڕەخێ زێیێ مەزن، یانەیا وەرزشی یا شێلادزێ وەک سیمبولەکێ هەبوونا گەنجان و هێزا وان یا وەرزشی دهێتە نیاسین. ئەڤ یانەیە بتنێ ناڤەکێ وەرزشی نینە، بەلکو کۆمەلگەهەکا مەزنە کو ب هزاران گەنجێن دەڤەرا ئامێدیێ و شێلادزێ وسیریێ ل دۆر خۆ کۆمکرینە.
مێژوویەک ژ خەباتێ
یانەیا شێلادزێ ژ دەمێ دامەزراندنێ ل2021 وەرە، ب چەندین قۆناغێن جودا دا دەرباز بوویە. سەرەڕای کێمیا ئیمکانیاتێن دارایی و نەبوونا یاریگەهێن ستاندارد وەک یێن باژێرێن مەزن، بەلێ ئیرادا یاریزان و کارگێریا یانێ چ جار کێم تەرخەمی نەکریە. ئەڤ یانەیە بوویە قوتابخانەیەک بۆ پێگەیاندنا بەهرەیێن نوی کو پاشان د خولێن نایاب یێن کوردستانێ و عیراقێ دا درەوشینە.
جەماوەر؛ یاریزانێ دوازدێ
خالەکا بهێز کو یانەیا شێلادزێ ژ یانێن دی جودا دکەت، جەماوەرێ وێ یێ دڵسۆزە. ل هەر یاریەکێ، چ ل ناڤ یاریگەها خۆ یان ل دەرڤە، لایەنگرێن وێ ب جۆش و خروشەکا مەزن پشتبەستنا تیپا خۆ دکەن. دەنگێ وان د ناڤ چیا دا د لەرزیێت و د بیتە هێزەکا مەزن بۆ یاریزانان د ناڤ یاریگەهێ دا. بشتی یانا شێلادزێ بەشداری پله دوو بوی پله دوو جو د ئاستەکێ دیدا و وخولا پله دوو پتر هاته نیاسین ژبەر دلسوزی یا یانا شێلادزێ ل پله دوو خودان پترین جەماوەره سەر ئاستێ کوردستانێ
ئاستەنگ و هیڤی
وەک هەر یانەیەکا دی یا دەڤەرێن دویر، شێلادزێ ژی د نالینیت ژ کێمیا پشتبەستنا دارایی و ژێرخانەکا وەرزشی یا پێشکەفتی. گەنجێن دەڤەرێ داخواز دکەن کو حکومەت و کەرتێ تایبەت پتر گرنگیێ ب ڤێ یانێ بدەن، چونکی وەرزش باشترین ڕێکە بۆ پاراستنا گەنجان ژ دیاردێن خراب و ئاڤاکرنا نەوەیەکێ ساخلەم.
پەیاما یانێ
کارگێریا یانێ بەردەوام دوپات دکەت کو ئارمانجا وان یا سەرەکی بتنێ برنا جامان نینە، بەلکو بلندکرنا ناڤێ دەڤەرێ و دروستکرنا ژینگەیەکا وەرزشی یە کو هەمی تەخ و چینێن جودا تێدا بەشدار بن وئارمانجا کارگێریا یانێ ئەوە یانا خو بگەهینتە پلە ئێکا کوردستانێ
