هەرن دیکلی بگەرن

زەنون سلێڤانەی

دجیهانا مەیا ئەڤروکە دا یاکو بلەز پێشکەڤتن تێدا دچیت و تەکنولوژیا و تورێن جڤاکی هەمی تشتێ بدەستخوڤە ئانیە هندەک جاران مروڤ تووشی سەرسورمانێ دبیت ددەمێ بەحسا مژارێن هشیاریێ و رەوشت و خوراگریێ دکەین . ئێك ژ پەیڤێن جوان و کویر یێن کەلتوری مە یێ دەولەمەند ئەڤ پەندو گوتنا کوردی یا خوشە (هەرن دیکلی بگەرن ) ئەڤ پەیڤە بتنێ گوتنەکا سادە نینە ،
بەلکو ددلێ خودا وەلاتەک ژ پەندو هشیاریا جڤاکی و بەرهنگاریێ ڤەشێریت پشتەڤانیا ڤێ گوتنێ لسەر وێ راستیێ بنیات نابیە کو مروڤێ هشیارو خودان هەلویست هەر چەندە دناڤ رەوشەکا تەنگاڤ و ئالوز یان ژی نەدادی دا بژیت ،
لێ هەردەم قەبوول نەکریە کو خێر بدەست ڤە بێت و بێ دەنگ بیت یان ژی بدەت مافێن وی یێن رەوا بێنە رەتکرن . مانا مروڤی لسەر ئارمانجێن خوە بەردەوامیدان ب خەبات و کارکرنێ . بەرسڤا هەرە زوردار و بێهێزکەرە بو وان کەسێن دڤێت دەنگێ راستیێ بمرینن دمێژووا مەیا نەتەوەیی وجڤاکی دا گەلێ کۆرد بدرێژاهیا سەدەمێن بورین تووشی گەلەک نەهامەتیێ و تاقیکرنێن گران هاتیە ،
لێ ئەڤێ چەندێ چ جاران ئارمانجا مەیا سەرەکی بو ئازادیێ ژیانەکا بروومەت و پاراستنا زمان و چاندو کەلتوری کێم نەکریە گوتنا (هەرن دیکلی بگەرن ) ئاماژەکا زێرینە بو وێ یەکێ کو مە باوەری ب شیانێن خوە هەیە . دزانین کو سەرکەفتن بتنێ بەرهەمێ خوراگریێ هشیاریا نەتەوەیی و ماندیبوونا بێوەستیانە ،
لەوما پێدڤیە ئەم هەمیشە ڤێ گیانێ تێکۆشین و خوراگریێ دناڤ خوە و نەوەیێن نوو دا بپارێزین . چونکە ئاڤاکرنا ئایندەکی گەش و پێشکەفتنا جڤاکەکێ بێگەرد بتنێ ب بریارێن مە یێن داهینەرانە کارکرنا ژ دل و نەسەفتینێ بدەستڤە دێت مروڤێ خودان هزرو ئیرادە . هەر چەندە رێخوارو دژوار بن ژی لێ رێکا راستیێ و دلسوزیێ بەرزە ناکەت و بەردەوام بەرەڤ پێشڤە دچیت ؛