سحار…زێیێ بادینان
قهرمان عبدالله حمید به‌رواری
ویچه‌ویچا دو چویچكێن ره‌ند
سحارا من
نیڤ د خه‌و هێلا .. نیڤ هشیار
لێدانێن دلێ من دگه‌ل سه‌مایا وان دكرنه غار
دگه‌ل دا ب سه‌ر دارا دكه‌تن و
دگه‌ل دا د هاتنه خوار
یا ژ من ڤه ..ئه‌ڤینا ته
دێ مینا یا به‌ربابێ نوى بیتن
دێ دو یان سێ روژا ژیتن
روژا چوارێ دێ مریت و نامینیتن
لێ چ بكه‌م ؟
ده‌مێ كو من سپێده ناسیاى
ده‌مێ من تو ژ دل ڤیاى
هارمونیكا هه‌ر ده‌ڤه‌كێ په‌نجه‌كرى
ده‌رازینكا هه‌ستێ نه‌به‌رجه‌سته‌كرى
نیشا من دا ..
ئه‌ڤینا ته جوانیه‌كه
دلێ من یێ كریه نێرگز
ره‌نگدانا وێ
ل دێمێ لاوه‌كێ ره‌نگز
یا كریه كه‌نیه‌كا ب هێز
نیشا من دا
ئه‌و ده‌نگێ ته خوشی یه‌كه
گوهێ من یێ كریه زه‌نگل
ئاوازا وى
سینگێ من یێ كریه سه‌د دێر
نیشا من دا
گه‌وریا من یا بویه سیسرك
نه‌شێتن ئاوازێن نازك
ل زوزانێن په‌ردا گوهێن ته بچینیت
به‌لێ دشێم
نیسانوكا
پیتانوكا
بكه‌مه حه‌مایلوك
بكه‌مه داییلوك و
د گه‌رده‌نا ته بوه‌رینم
ته ئاش بكه‌م
بزڤرینم
