سەرۆکێ هەرێما کوردستانێ پێشوازی ل یاسایەکا نوی یا ئاشتیێ د پەرلەمانێ تورکیا دا دکەت
رێزدار نێچیرڤان بارزانی سەرۆکێ هەرێما کوردستانێ د پەیامەکێ دا ب گەرمی پێشوازی ل پەسەندکرنا یاسایا “ب هێزکرنا تەباییا نیشتمانی و تێکەلبوونا جڤاکی” د پەرلەمانێ تورکیا دا کر و وەک پێنگاڤەکا وێرەکانە و وەرچەرخانەکا گرنگ بەرەڤ ئاشتی و سەقامگیرییا دەڤەرێ ب ناڤ کر.
د پەیاما خوە دا بەرێز سەرۆکێ هەرێمێ تەکەز کر دیالۆگ و ئاشتی دروستترین بژاردەنە و سەردەمێ چەک و چارەسەرییا سەربازی بسەرڤەچوویە، هەروەسا ئەڤ یاسایە ب دەرفەتەکا مەزن دیت ژ بۆ ئاڤاکرنا باوەریێ د ناڤبەرا هەمی پێکهاتەیێن تورکیا دا.
ل دووماهیێ ژی بەرێز نێچیرڤان بارزانی دەستخۆشی ل سەرۆککۆمارێ تورکیا ڕەجەب تەیب ئەردۆغان و هەمی سەرکردە و لایەنێن بەژدارێن ئەڤێ یاسایێ کر و پشتەڤانیا تەمام یا هەرێما کوردستانێ بۆ سەرئێخستنا پرۆسەیا ئاشتیێ دوپات کر.
