لێکۆلینەک: ڤەخوارنێن گەلەک گەرم مەترسییا شێرپەنجا مەعیدەی زێدە دکەن

ڤەکۆلینەکا نوی و مەزن کو نێزیکی ئێک ملیۆن کەسان ل بریتانیا پشکداری تێدا کرییە، دیار دکەت کو ڤەخوارنا چایێ یان قەهوێ ب شێوازەکێ گەلەک گەرم، رەنگە مەترسییا تووشبوونێ ب شێرپەنجا مەعیدەی سێ جاران زێدە تربکەت ب هەڤبەرکرن ب ڤەخوارنێن فێنکتر.

ل گۆرەی مالپەرێ (Science Alert)، لێکۆلەران داتایێن زێدەتر ژ 977 هزار کەسان کۆمکرینە، ئارمانجا لێکۆلینێ رۆنکردنا پەیوەندییا دناڤبەرا پـلا گەرمییا ڤەخوارنان و دروستبوونا شێرپەنجێ بوو، دەرئەنجامان دیار کر کو ئەو کەسێن حەز ژ ڤەخوارنێن گەلەک گەرم دکەن، مەترسیەکا گەلەک مەزن ل سەر ساخلەمییا خۆ دروست دکەن.

هەروەسا د لێکۆلینان دا دەرکەفتییە کو زێدەکرنا شیری بۆ ناڤ چایێ یان قەهوێ کارتێکرنەکا هۆسا مەزن ل سەر کێمکرنا مەترسییێ ناکەت، چونکی ئەگەرێ سەرەکی پلەیا گەرمییا بلند یا روناتییێ یە نەک جۆرێ وێ، ئاژانسا نێڤدەولەتی یا لێکۆلینێن شێرپەنجێ (IARC) دیار دکەت کو ڤەخوارنێن پلەیا گەرمییا وان ژ 65 پلەیێن سەدی زێدەتر بیت، دهێنە هەژمارتن کو زیانبەخشن.

بسپپۆر شیرەتان دکەن کو بەری ڤەخوارنێ، دەمەکێ کورت بدەنە ڤەخوارنێن خۆ دا کو فێنک ببن، ئەڤ کارە ب تنێ دشێت رێگریێ ل ژمارەکا بەرچاڤ یا تووشبوونێن سالانە ب شێرپەنجا مەعیدەی بگریت و ساخلەمییا جڤاکی بپارێزیت.