ئاگاداری لە زانکۆی سەلاحەدین بۆ دەرچووانی پۆلی ١٢

“ سامان عەبدوڵلا “ بەڕێوەبەری ڕاگەیاندنی زانکۆی سەلاحەدین ڕایگەیاند کۆلێژی پەروەردەی جەستەیی و زانستە وەرزشییەکان ـ زانکۆی سەڵاحەدین ـ هەولێر دەست بە دابەشکردنی فۆڕمی تاقیکردنەوەی جەستەیی بەسەر دەرچووانی پۆلی 12ی ئامادەیی (زانستی ـ وێژەیی) و دەرچووانی پەیمانگەی وەرزشیی حکومی و ناحکومی دەکات.

🔹 ماوەی وەرگرتنی فۆڕم لە (2026/8/12) دەستپێدەکات و لە (2026/8/28) کۆتایی دێت،

بۆ وەرگرتنی فۆڕمیش سەردانی تۆمار بکەن.

پێداویستییەکانی وەرگرتنی فۆڕم لە کۆلێژی پەروەردەی جەستەیی و زانستە وەرزشییەکان (2026 – 2027)

1. دەرچووی پۆلی دوازدەی (زانستی، وێژەیی) ساڵانی (2025 – 2026)، دەرچووی (2024 – 2025) لە هیچ شوێنێک وەرنەگیرابێت و نووسراوی فەرمیی قوتابخانەی پێبێت.
2. تەمەنی لە (25) ساڵ زیاتر نەبێت (لەدایکبووی 2001 بەدواوە).
3. پێویستە ناسنامەی تاقیکردنەوەی پۆلی دوازدە، وێنەیەکی معاملاتی و ئەنجامی تاقیکردنەوەی پێبێت. کۆنمرەی لە (385) واتە 55% کەمتر نەبێت.
4. دەرچووی قوتابخانەکانی هەرێمی کوردستان یان ناوچە کوردستانییەکانی دەرەوەی هەرێم بێت بەپێی سیستەمی وەزارەتی پەروەردەی هەرێم.
5. مەرجە پزیشکییەکان تێپەڕێنێت.
6. ماوەی دابەشکردنی فۆڕم: (12-08-2026) تا (28-08-2026) کاتژمێر (09 بۆ 12)ی نیوەڕۆ.

پێداویستییەکانی وەرگرتنی فۆڕم (پاڵەوانان) (2026 – 2027)

1. دەرچووی پۆلی دوازدەی (زانستی، وێژەیی) ساڵی (2025 – 2026) بێت.
2. یاریزانی هەڵبژاردەکانی (کوردستان و عێراق)، زۆرتر لە پێنج ساڵی بەسەر کۆتا بەشدارییدا تێنەپەڕیبێت.
3. پلەی یەکەم تا سێیەمی (عێراق، هەرێمی کوردستان) بۆ یاریی تاک و تیمی بەدەستبهێنابێت و زۆرتر لە پێنج ساڵی بەسەر پاڵەوانێتییەکەدا تێنەپەڕیبێت.
4. پلەی یەکەمی (پەروەردەی پارێزگا و ئیدارە سەربەخۆکان) بۆ یاریی تاک و تیمی بەدەستبهێنابێت و زۆرتر لە پێنج ساڵی بەسەر پاڵەوانێتییەکەدا تێنەپەڕیبێت.
5. نووسراوی فەرمی لە (لێژنەی ئۆڵۆمپی، چالاکیی وەرزشیی قوتابخانەکان، یان بەڕێوەبەرایەتیی گشتیی وەرزش و لاوان) بهێنێت لەگەڵ بەڵگە (میدالیا، وێنە… هتد).
6. تەمەنی لە (35) ساڵ زیاتر نەبێت (لەدایکبووی 1991 بەدواوە).
7. پێویستە ناسنامەی تاقیکردنەوە و وێنەیەکی معاملاتی پێبێت. کۆنمرە رەچاو ناکرێت، تەنیا دەرچوونی لە پۆلی دوازدە بەسە.
8. دەرچووی قوتابخانەکانی هەرێم یان ناوچە کوردستانییەکانی دەرەوەی هەرێم بێت بەپێی سیستەمی پەروەردەی هەرێم.
9. خوێندنی پیشەیی (پیشەسازی، بازرگانی، کشتوکاڵ، گەشتوگوزار) تێکڕای کۆنمرەی لە (60%) کەمتر نەبێت.
10. مەرجە پزیشکییەکان تێپەڕێنێت.
11. ماوەی دابەشکردنی فۆڕم: (12-08-2026) تا (28-08-2026) کاتژمێر (09 بۆ 12)ی نیوەڕۆ.

پێداویستییەکانی وەرگرتنی فۆڕم (پاڕالێل) (2026 – 2027)

1. دەرچووی پۆلی دوازدەی (زانستی، وێژەیی) ساڵانی (2021-2022) تا (2025-2026).
2. تەمەنی لە (30) ساڵ زیاتر نەبێت (لەدایکبووی 1996 بەدواوە).
3. پێویستە ناسنامەی تاقیکردنەوەی پۆلی دوازدە و وێنەیەکی معاملاتی پێبێت.
4. دەرچووانی کۆلێژ و پەیمانگە حکومییەکان (دەرچووی پۆلی دوازدەی زانستی و وێژەیی) دەتوانن بە پاڕالێل بخوێنن، بەمەرجێک زۆرتر لە پێنج ساڵ بەسەر دەرچوونی دوازدەدا تێنەپەڕیبێت.
5. دەرچووی قوتابخانەکانی هەرێم یان ناوچە کوردستانییەکانی دەرەوەی هەرێم بێت بەپێی سیستەمی پەروەردەی هەرێم.
6. مەرجە پزیشکییەکان تێپەڕێنێت.
7. ماوەی دابەشکردنی فۆڕم: (12-08-2026) تا (28-08-2026) کاتژمێر (09 بۆ 12)ی نیوەڕۆ.

پێداویستییەکانی وەرگرتنی فۆڕم (پەیمانگە وەرزشییە حکومی و ناحکومییەکان) (2026 – 2027)

1. دەرچووی ساڵی (2025 – 2026) بێت.
2. دەرچووانی پەیمانگەی حکومی کۆنمرەیان لە (55%) کەمتر نەبێت.
3. دەرچووانی پەیمانگەی حکومی ئەگەر کۆنمرەیان لە (55%) کەمتر بێت، بە پاڕالێل وەردەگیرێن.
4. تەمەنی لە (25) ساڵ زیاتر نەبێت (لەدایکبووی 2001 بەدواوە).
5. دەرچووانی پەیمانگەی ناحکومی کۆنمرەیان لە (65%) کەمتر نەبێت.
6. مەرجە پزیشکییەکان تێپەڕێنێت.
7. ماوەی دابەشکردنی فۆڕم: (12-08-2026) تا (28-08-2026) کاتژمێر (09 بۆ 12)ی نیوەڕۆ.

پێداویستییەکانی وەرگرتنی فۆڕم (پەیمانگە وەرزشییە ناحکومییەکان – پاڕالێل) (2026 – 2027)

1. دەرچووی ساڵی (2025 – 2026) بێت.
2. کۆنمرەی لە (60%) کەمتر نەبێت.
3. تەمەنی لە (30) ساڵ زیاتر نەبێت (لەدایکبووی 1996 بەدواوە).
4. مەرجە پزیشکییەکان تێپەڕێنێت.
5. ماوەی دابەشکردنی فۆڕم: (12-08-2026) تا (28-08-2026) کاتژمێر (09 بۆ 12)ی نیوەڕۆ