خەلکێ کوبانێ پشتگیریا مللەتێ کوردستانێ دخوازن…
وەکی ئێکەم دەزگەهێ راگەهاندنێ یێ هەرێما کوردستانێ خوە گەهاندە باژێرێ کوبانێ:
ژێدەرەکێ دناڤ باژێرێ کوبانێ کو نەڤیایە ناڤێ خۆ بوو ز ێیێ بادینان بدەتە نیاسین لسەر ڕەوشا باژێرێ کوبانێ ڕاگەهاند، کو ژیانا خەلکی ب گشتی نەیاباشە ژبەر کو پێدڤیێن ڕۆژانە لسەر مللەتێ کوبانێ هاتیە برین وەکی (ئاڤ و کارەب و ئەنترنێت و گاز ودەرمان و شیرێ زارۆکان ).
هەر وی ژێدەری بۆ گوڤارا زێیێ بادینان دایە دیارکرن :
کو خەلكێ باژێرێ کوبانێ پێدڤی ب هەمی تشتێن ژیانێ هەیە و ب ئەگەرێ برینا ڤان پێدڤییان ژلایێ هێزێن ئەحمەد شەرع ڤە رەوشا خەلکێ باژێرێ کوبانێ د هەمی بوارێن ژیانێدا کەڤتییە دمەترسیێ دا.
هەورەها وی ژێدەری بوو گۆڤارا زییێ بادینان دایە دیارکرن:
ئەگەر ئەڤ رەوشە بەردەوام بیت دێ مەزنترین کارەسات هێتە ڕویدان ل ڤی باژێرێ کو دێ ب دەهان زارۆک و دانعەمر ژیانا خو ژ دەست بدەن
هەروەها وی ژێدەری دایە دیارکرن بۆ گوڤارا زێیێ بادینان :
دانوستاندن دناڤبەرا هەسەدێ و حکومەتا سوریێ یا ڤەگوهێز هەنە کو ڤان ئالوزیێن دناڤبەرا هێزێن هەسەدێ و حکومەتا سوریێ یا ڤەگوهێز بهێنە چارەسەرکرن و هێشتا ئەڤ دانوستاندنە بەردەوامن لێ هێشتا چ ئەنجامەکێ ئەرێنی نەهاتیە بەرچاڤکرن لسەر وان خالێن کو ١٨ هەیڤا ئێك ل باژێرێ هەولێرێ دناڤبەرا حکومەتا ڤەگوهێزا سوریێ و هەسەدێ و نوینەرێ نەتەوەیێن ئێکگرتی بۆ کارۆ بارێن رۆژهەلاتا ناڤەراست و نوینەرێ سەرۆکێ ئەمریکا و ب چاڤدێریا حکومەتا هەرێما کوردستانێ هاتیە ئیمزاکرن.
هەروەها وی ژێدەری بۆ گۆڤارا زێیێ بادینان دایە دیارکرن :
ڕێڤەبەریا خوسەر یا باژێرێ کوبانێ ڕۆژانە ڕەوشا باژێرێ کوبانێ و دەوروبەران ددەنە دیارکرن ب داخویانیێن ڕۆژنامەڤانی بۆ هەمی ڕێکخراوێن نیڤدەولەتی و هەرێمی داخواز ژی دکەن کو ئەڤ دورپێچە بهێتە ڕاکرن و ڕێکێن هاریکاریێن مرۆڤی بهێنە ڤەکرن و دا کو پێدڤیێن ڕۆژانە یێن باژێرێ کوبانێ بهێنە ڤەگۆهاستن و ڤەگەرنە ل ژیانا خو یا بەری نوکە.
هەروەها وی ژێدەری دایە دیارکرن بۆ گۆڤار زێیێ بادینان : خەلکێ باژێرێ کوبانێ داخوازیت ئەڤ هێرش و دورپێچە لسەر خەلکی بهێتە راوەستاندن .
هەروەها خەلکێ کوبانێ دخوازن هەر وەکی چاوا خەلکێ کوردستانێ ب گشتی ل (٢٠١٤) شەڕێ دژی تیرورستێن داعشێ پشتگیریا خۆ ل باژێرێ کوبانێ دیارکری و نەهێلا ئەڤ باژێرە بکەڤیتە دەستێ تیرورستێن داعشێ نوکە ژی خەلکێ کوبانێ هەرهەمان پشتگیریا مللەتێ کوردستانێ دخوازن.
هەروەها وی ژێدەری بۆ گوڤارا زێیێ بادینان دایە دیارکرن : ئەگەر ئەڤە دورپێچە بەردەوام بوو دێ کارەساتێن گەلەك ژ هەلبجە خرابتر ب سەرێ خەلکێ کوبانێ هێت .
هەروەها وی ژێدەری بۆ گوڤارا زێیێ بادینان دایە دیارکرن :
کو نوکە دا شەڕ ل گوندێن گرێدای باژێرێ کوبانێ دهێتەکرن و هەمی چەکێن گران دهێنە بکارئینان هەروەها دوهی سالڤەگەرا رزگارکرنا باژێرێ کوبانێ بوو هێزێن گرێدای هەسەدێ ب دەهان تیرورست کوشتینە و چەندین دەبابە هاتینە تێكشکاندن هەروەها پشتی ئەڤ هێرشە هاتیە تێکدان ئەڤ دەڤەرە ب فروکەیێن دەولەتا تورکیا ڤە مالەك هاتیە بۆردومانکرن د ئەنجامدا چەند کەسێن سڤیل د ئێك مالبات دا هاتینە کوشتن و هەروەها چەندێن دژی هاتینە بریندارکرن .
هەروەها وی ژێدەری دایە دیارکرن کو حەماسەت و مورالا خەلکێ کوبانێ و هێزێن گرێدای هەسەدێ گەلەکا بلندە.
هەروەها وی ژێدەری دایە دیارکرن : خەلکێ باژێرێ کوبانێ ل جیهانێ و کوردان دخوازیت کو پشتگیریا ڤی باژێری بهێتە کرن چونکی ئەڤ باژێرە بوویە ئەگەر کو مەترسی لسەر مرۆڤایەتیێ نەمینیت و مەزنترین رێکخراوا تیرورستی شکاندی هەتا پایتەختا وان یا خەلافەتێ رزگارکری هەروەها وی ژێدەری دایە دیارکرن کو خەلک دخوازیت کوئەڤ دورپێچە بهێتە راکرن ب شێوەیەکێ بلەز هاریکاری بگەهیتە باژێرێ کوبانێ هەروەها دبێژیت ژی کو ئەڤ هاریکارێن رێکخراوێن نیڤدولەتی بوو باژێرێ کوبانێ نە تێرکەرن بو خەلکێ باژێرێ کوبانێ و دەوروبەران کو ئەڤ دۆرپێچە بهێتە راکرن هاتن چوونا خەلکی ئاسایی بیت و ژیان جارەکا دی ڤەگەریتە ڤە.
هەروەها وی ژێدەری دایە دیارکرن کو خەلکێ باژێرێ کوبانێ لسەر رۆلا سەرۆک مەسعود بارزانی و نێچیرڤان بارزانی و مەسرو بارزانی و بافل تالەبانی لسەر پشتگیری و وان هاریکارێن ڤرێکرینە رۆژئاڤایێ گەلەک پێ سەربلندن و پێ کەیڤ خۆش دبن و جهێ سەربلندی و جهێ سوپاسیێ یە ژبوو کوبانێ و رۆژئاڤایێ کوردستانێ . خەلکێ باژێرێ کوبانێ دخوازن کو ئەو ناکوکیێن دناڤبەرا حزبێن رۆژئاڤا و یێن هەرێما کوردستانێ بهێنە چارەسەرکرن چونکە دژی مللەتێ کورد پیلانەکا مان و نەمانێ هەی دژی کوردان دا کو ڤی مللەتی لسەر ئاخێ نەهێلن .
دڤێت مللەتێ کورد ب ئێک دەست دژی ڤێ پیلانێ راوەستن هەروەها خەلک دبێژن ژی کو دوستێن کوردان هەر کورد بخوەنە.
لڤێرە ئەم وەکی تۆڕا میدیایی زێیێ بادینان سوپاسی و پێزانینان ئاراستەی وی ژێدەری دکەین و داخوازێ ژ لایەنێن پەیوەندیدار دکەین ڕێکەکێ ببینن دا کو هاریکاریێ بوو باژێرێ کوبانێ و دەوروبەران بهێتە هنارتن.
