سەرۆک بارزانی ل گەل سەرۆک و ئەندامێن جڤاتا پارێزگەها سەلاحەدین کۆمبوو

ل ڕۆژا دووشەمبێ ٢٤ـێ تەباخا ٢٠٢٦ ل پیرمام ڕێزدار سەرۆک مەسعود بارزانی پێشوازی ل سەرۆک و ئەندامێن جڤاتا پارێزگەها سەلاحەدین کر.
د کۆمبوونەکێ دا، شاندێ مێڤان پیرۆزباهی ل ڕێزدار سەرۆک بارزانی کر ب هەلکەفتا ٨٠ سالییا دامەزراندنا پارتی دیمۆکراتی کوردستان و پێزانینێن خۆ بۆ ڕۆلێ مێژوویی یێ جەنابێ وان د ئاڤاکرنا عیراقا نوی دا و هاریکارییا ئاوارەیان د شەڕێ داعشێ دا دەربڕین. هەروەسا داخوازا زێدەکرنا هەماهەنگییێ د ناڤبەرا یەکەیێن ئیداری یێن سەلاحەدین و هەرێمێ دا کرن.
ڕێزدار سەرۆک بارزانی ژی تەکەزی ل سەر برایەتیێ و پێکڤەژیانا ئاشتییانە د ناڤبەرا هەمی پێکهاتەیاندا کر و ئاماژە ب هندێ دا کو دەستوورێ عیراقێ نەخشەڕێکەکا گونجایە بۆ چارەسەرکرنا کێشەیان، پاشان بەرسڤا تێبینی و پرسیارێن ئامادەبوویان ل سەر ڕەوشا ئیداری و ئەمنی یا دەڤەرێ دا.