نەهـ : ئادابێن ل پێکرنا پێلاڤ و نعالان

١. دەستپێکرن ب پێیێ راستێ: دەمێ مرۆڤ پێلاڤێ دکەتە پێیێ خۆ، دڤێت ب یا راستێ دەستپێ بکەت.
پێغەمبەر (ﷺ) د بێژیت: (إِذَا انْتَعَلَ أَحَدُكُمْ فَلْيَبْدَأْ بِالْيَمِينِ)، [متفق علیە، البخاري: ٥٨٥٦].

٢. ئێخستن ب پێیێ چەپێ: دەمێ مرۆڤ پێلاڤێ ژ پێیێ خۆ دکەت، ب یا چەپێ دەستپێ دکەت.
د هەمان حەدیسا بۆری دا: (وَإِذَا نَزَعَ فَلْيَبْدَأْ بِالشِّمَالِ).

٣. پشکنین و سەحکرنا پێلاڤێ: بەری مرۆڤ پێلاڤێ بکەتە پێیێ خۆ، باشە بپشکنیت یان بەرێخۆ بدەتێ نەکو گیانەوەرەکێ زیانبەخش تێدا بیت.

٤. نە رێڤەچوون ب ئێک پێلاڤ (ب کتەکێ): نابیت مرۆڤ بتنێ پێلاڤەک د پێیێ وی دا بیت و یا دی رویس بیت، یان هەردووکان بکەتی یان هەردووکان ژ پێ خۆ بکەت. پێغەمبەر (ﷺ) د بێژیت: (لَا يَمْشِي أَحَدُكُمْ فِي نَعْلٍ وَاحِدَةٍ)، [متفق علیە، البخاري: ٥٨٥٥].

٥. ڕوینشتی پێلاڤێ بکە پێ خۆ: ئەگەر پێلاڤ یا ب گرێک بیت یان ب زەحمەت بهێتە گرێدان، سوننەتە مرۆڤ ڕوینیت پاشی بکەتە پێیێ خۆ (دا نەکەڤیت).
(نَهَى رَسُولُ اللَّهِ ﷺ أَنْ يَنْتَعِلَ الرَّجُلُ قَائِمًا)، [رواە الترمذي: ١٧٧٥، وصححە الألباني].

٦. پاقژییا پێلاڤان: دڤێت موسلمان پێلاڤێن خۆ پاقژ ڕابگریت، و ئەگەر پیساتی پێڤە بیت ژێ ڤەکەت، ب تایبەت ئەگەر بچیتە د مزگەفتێ دا (ئەگەر ب پێلاڤ ڤە نڤێژێ بکەت).

٧. نەکرنا پێلاڤێن ب دەنگ و سەیر:
دویرکەفتن ژ وان پێلاڤێن دەنگێ (تەق تەق) ژێ دهێت کو سەرنجا خەلکی ڕادکێشیت، ب تایبەت بۆ ئافرەتان. خودێ تعالا د بێژیت: (وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ) [النور: ٣١].

٨. بکارئینانا پێلاڤێ بۆ پاراستنا پێی: مەرەم ژ پێلاڤێ پاراستنە ژ ستری و پیساتیێ، لەوا باشە مرۆڤ گەلەک ب پێخاسی نەگەڕیێت ل دەرڤە. پێغەمبەر (ﷺ) د بێژیت: (اسْتَكْثِرُوا مِنَ النِّعَالِ، فَإِنَّ الرَّجُلَ لَا يَزَالُ رَاكِبًا مَا انْتَعَلَ)، [رواە مسلم: ٢٠٩٦].

٩. ڕێزگرتن ل خەلکی د دەمێ ئێخستنا پێلاڤێ دا: دەمێ مرۆڤ دچیتە جهەکی و پێلاڤان دئێخیت، دڤێت دانیتە جهەکێ گونجای، نەکو ببیتە ڕێگر بۆ خەلکی.

١٠. نەکرنا پێلاڤێن خەلکی: باش نینە مرۆڤ پێلاڤا کەسەکێ دی بێ دەستویری بکەتە پێیێ خۆ، ژبەر نەخۆشی یان دلگرانیێ.