ژنەکا ژیرمەند و زانا…
ل گوندەکێ بچویک و گەلەک خۆش و جوان ل نێزیک چیایەکێ بلند هەبوو، ل وی گوندی ژنەک هەبوو ناڤێ وێ “بیشەنگ “بوو. “بیشەنگێ “نیڤا تەمەنێ خۆ دەرباس کربو . ب تنێ ب جوانییا خوە نەدهاتە ناسین، بەلکو ب رەوشەنبیری و تيگەهشتن و زانینا خوە دناڤ خەلکیێ وی گوندی و دەوروبەران ژی یا ناڤدار بوو.
روژەکێ ژ روژان کچەکا گەنج چو دەف بیشەنگێ و گۆتێ: خالەتا بیشەنگ ،من دڤێت پرسیارەکێ ژ تە بکەم ئەگەر تە بەرسڤا من دا با ئە دا سوپاسداربم . وێ ب دلەکێ پر خۆشی گوت کەرەمکە کچا جوان .تو چەوا دشێی د هەمی بارودۆخان دا یا ئارام و بێدەنگ بی؟ و چەوا تو دشێی ب ڤی رەنگی سەرەدەریێ دگەل خەلکی بکەی کو هەمی حەز ژ تە دکەن؟”
“بیشنکێ “بەرسڤا وێ ب زمانەکێ سادە دا و گۆت: “کچا من، چ گرنگییە ب جوانییا مرۆڤی نەدەن چونکی جوانی وەکی گولێ یە، روژەکێ دێ یا گەش بیت وروژەک دێ هیت نامینیت و دێ ژنافچیت .بەلێ زانین و ئەقل وەکی کانییا ئاڤێ یە و چ جاران ناهێنە برین. ئەز فێری سێ تشتان بوویمە کو ژیان من یا گوهۆڕی:”
- ئێک: ئەز چو جاران ب لەز بەرسڤا کەسێ نادەم؛ دەما ئاخفتنەکا نەخۆش بهیتە گوهین من ، ئەز هزر دکەم کا ئەو ئاخفتنە ژ کێ دەرکەفتییە، نە چاوان هاتییە گۆتن.
- دوو: ئەز دزانم کو بێدەنگی هندەک جاران ژ هزار پەیڤان ب هێزترە. مروڤێ زانا دزانیت کەنگی دێ ئاخڤیت و کەنگی گوهێ خوە بدەتە گوتنێن یێ بەرامبەری خۆ
- سێ: ل سەر گەلەک تشتان بێ دەنک دمینم داکو ئارامییا دلێ خو خێزانا خۆ و دەوروبەرێن خوە نەتێکدەم.
ئەو کچە ب ڤان پەیڤان گەلەک دل خۆش بوو تێگەهشت کو “ژن” بتنێ ناڤ نینە، بەلکو ئەو ستوینا مالێیە و پەروەردەکارا خێزان و جڤاکەکێ ساخلەمە .ئەگەر ب زانین و ئەقلێ خوە یێ بێشەنگ بشێت رێیێ نیشا هندەک کەسێن دی بدەت بو خۆ مفای ژ ێ وەرگرن ل بە روناهیا وان ب رێڤە بچن و چ ئاستەنکا نە هێلن ل بەر سینگێ خۆ بەرەف ئارمانج وپێشڤەچوونێ بچن .
نڤێسکار: رەحیما بەرواری
