باتیفا، دوو بۆمبێن چاندى (کەرەستەیێن تەقینەر) هاتنە پوچەڵکرن

پشتی رێڤەبەريا گشتی یا کاروبارێن مینا ل پارێزگەھا دھوكێ ب رێیا هێلا گەرم يا 182 هاتيه ئاگەهدارکرن ل سەر هەبوونا مەترسیا تەقەمەنیان ل گوندێ پەرەخێ سەر ب قەزا باتیفاڤە یێن گرێدای ب ئیدارا سەربەخویا زاخو ل نێزیکی رەزو باخێن هاوەلاتیان،تیمێن ژناڤبرنا مین و تەقەمەنیان (EOD) ب هەڤکاری دگەل پاسەوانێن سنوری گەهشتنە جهێ دیارکری.

دوو بۆمبێن چاندى (کەرەستەیێن تەقینەر) هاتنە پوچەڵکرن، و پاشان بەرمایکێن وان ژلایێ تیما تایبەندمەندڤە هاتنە ڤەگوهاستن بو جهەکێ ئارام دا کو بهێنە ژناڤبرن.

ل دەمێ دیتنا هەر کەرەستەیەکێ گومانلێکری یان تەقەمەنیەکێ، ژ بۆ پاراستنا گیانێ خۆ و دەورۆبەرێن خۆ پەیوندیێ ب هێلا گەرما بێبەرامبەر 182 بکن.