سەرۆک بارزانی تەکەزێ ل پاراستنا بەرژەوەندی و بهایێن بلندێن گەلێ کوردستانێ دکەت

ئەڤرۆ ڕۆژا چارشەمبێ ١٩ی تەباخا ٢٠٢٦ سکرتاریەتا سەرۆک بارزانی ب هەلکەفتا دەربازبوونا ٨٠ سالان ب سەر دامەزراندنا پارتی دیموکراتی کوردستان و سالڕۆژا ژدایکبوونا ڕێزدار سەرۆک بارزانی، پەیامەکا سۆپاس و پێزانینێ بەلاڤ کر.
د پەیامێ دا سکرتاریەتا سەرۆک بارزانی سۆپاسیا هەمی کەسایەتی، لایەنێن سیاسی، دۆستێن بیانی، دپلۆماتکار، پێکهاتەیان، ڕێکخراو و میدیاکاران کر کو ژ ناڤخۆ و دەرڤەی وەلاتی پەیامێن پیرۆزباهیێ ئاراستەی سەرۆک مەسعود بارزانی کربوون.
ل دوماهیێ ژی هاتە دیارکرن کو سەرۆک بارزانی هێڤیخوازە کو ئەڤ هەلکەفتە ببیتە دەرفەتەکا نوی ژبۆ بهێزکرنا گیانێ تەبایی، برایینی و هەڤکاریێ لپێناڤ پاراستنا بەرژەوەندیێن بلند یێن گەلێ کوردستانێ و سەقامگیرییا ناڤچەیێ دا.