پرۆژێ ڕووناکی، گرنگی و داخازی
غیاس خالد زێبارى
پرۆژێ رووناكى ئێكه ژ پیرۆژێن ستراتیژى و خزمهتگۆزارى و ژینگههپارێزیێ یێن حوكمهتا ههرێما كوردستانێ ب سهرۆكایهتیا مهسرۆر بارزانى، بۆ دابینكرنا كارهبا بهردهوام بۆ وهلاتیان، تمامبوونا ڤى پرۆژهى خهون و هیڤییێن چهندین ساڵى یێن خهلكێ كوردستانێ دكهنه راستى، ئهو ژى دابینكرنا كارهبا بهردهوامه ئهوا خهلكهكى ب مهل ددیت و ئهڤرۆ ب سیاسهتا سهرۆكێ حوكمهتێ بوویه راستى و گههشتیه زۆربهیا ههره زۆرا دهڤهرێن كوردستانێ و بریاره ههتا داویا ڤێ سالێ ببیته سهرتاسهرى . ئهڤه ژى دهستكهفتهكێ مهزنه و خهلكێ كوردستانێ ل زۆر قهیرانا دهرباز دكهت، چونكى كارهب پێدڤییهكا بهردهوام و رۆژانهیا ژیانا خهلكى یه، پرۆژێ رووناكى ژبلى دابینكرنا كارهبێ و چارهسهركرنا زۆر قهیرانا، خزمهتهكا زۆرا پاراستنا ژینگهها كوردستانێ دكهت، چونكى هزاران موهلیدێن كارهبێ ڤهمراندینه, ئهڤێ ژى كاریگهریهكا زۆر ههیه لسهر پاقژبوونا ژینگهها كوردستانێ ل وێ دووكێلا چهندین نهساخى درۆست دكرن، سهرهراى رزگاركرنا وان مالێن نێزیكى وان ل دهنگهكێ بلند و بێزاركهر ، ئهڤه ژى خزمهتهكا مرۆڤایهتى یه و جهێ دهستخۆشیێ یه لڤێ كابینا حوكمهتا ههرێما كوردستانێ ، ئهگهر بهراوردیا رهوشا كارهبا كوردستانێ لگهل دهولهتا ئیراقێ بكهین، ناهێته بهراوردكرن و سهرهراى خهرجكرنا ب ملیاران دۆلاران ژلایێ وهزارهتا كارهبا ئیراقێ و هێشتا نهگههشتیه نیڤهكا رێژا كارهبا كوردستانێ و نهۆ ژى چاڤێ ئیراقێ ل ههرێما كوردستانێ یه، وزا كارهبێ بۆدابین بكهت، ئهڤه ژى نیشانێ ئیدارهدانهكا زانایانهیا مهسرۆر بارزانى سهرۆكێ حوكمهتا ههرێمێ یه . لایهكێ دیتر پرۆژێ رووناكى خهلكێ كوردستانێ فێرى پاراستن و نهههدهركرنێ كر، بهرى ڤى پرۆژهى هندهك ماڵێن كوردستانێ ب سهدان گلۆپێن زێده یێن كارهبێ بكار دئینان و نهۆ ب كێمانى رێژا ب كارئینانێ 50% كێمتر بوویه، ئهو ئابووریا ئهڤرۆ ئهم ل كارهبێ دكهین، ئهگهر بهرى پرۆژى رووناكى ههبا، رهنگه وى دهمى كارهبا كوردستانێ 24 دهمژمێرى . راسته دهنگێن نهرازى لسهر ڤى پرۆژهى ههنه و بهشهكێ وان دجهێ خۆدانه، چونكى رهوشا ئابووریا ئهڤرۆ یا بهشهكێ زۆرێ خهلكێ كوردستانێ لگهل بهایێ كارهبا پرۆژێ رووناكى ناگۆنجیت و ئۆمێدهوارین حوكمهتا ههرێما كوردستانێ پێداچۆنهڤى تێدا بكهت و بهایێ وێ لگهل رهوشا خهلكى بگونجینیت و خهلك ژى مهزاختنێن زێده تێدا نهكهت، لێ هاندانهكا سیاسى ژى ڤى پرۆژێ حوكمهتێ ههیه و وان لایهنان چاڤ ب سهركهفتنێن ڤێ كابینێ رانابن و بهردهوان ئاستهنگا ل ههمبهر پرۆژێن حوكمهتا ههرێمێ ب سهرۆكایهتیا مهسرۆر بارزانى درۆست دكهن، لێ ل داویێ راستى دیار بوونه .
