وێنەگرەکا کچ، تەکنەلۆژیا کارێ مە گەلەک پێش ئێخستی یە
بێوار حسێن زێباری
وێنەگرا کەچ و ئافرەتەک دەست ڕەنگینا باژیرێ دهۆکێ بناڤێ “کەڤین محەمەد سیاری بەرواری”، نوکە ل سەنتەرێ کۆماتە یێ دۆکیۆمێنتکرنا دیرۆکا شۆڕەشێ کار دکەت. و وێنەگر و ڤیدیۆگرافەر و مۆنتێر و فڕۆکەڤانا درۆنێ (Drone) ییە.
کەڤین، دیدارەکێدا بۆ زێیێ بادینان” داخویاکرن، ئەو زۆر حەزا کارێ خۆ دکەت و ججاران ژی نە یا پەشیمانە ب کارێ خۆ و سروشت و جوانییا کوردستانێ بوویە ئەگەرێ وێ چەندێ کو دەست ب هاڤێتە وێنەگرتن و کارێ ڤیدیۆیان.
٢. دەستپێکا کارێ وێنەگریێ:
ئەز دشێم بێژم ئەڤە 3 سالە ئەز د ناڤ ڤی بوارەکی دام، ل دەستپێکێ وەک ئارەزوو دەست پێ کر، پاشان من ب خولێن زانستی و ب دەستڤەئینانا باوەرنامەیێن نێودەوڵەتی کرە کارەکێ پرۆفیشینال.
٣. بۆچی تە ئەڤ کارە هەلبژارد؟
من وێنەگری هەلبژارد چونکی ئەز حەز دکەم دیمەنێن جوان یێن وەڵاتێ خۆ و مێژووا مە یا پر سەروەری ب پارێزم. وێنەگرتن زمانەکێ جیهانی یە و دشێت بێ پەیڤ هەمی تشتان بێژیت.
٤. چ وەل تە کر بببیە وێنەگر؟
جوانییا سرۆشتێ کوردستانێ و ب تایبەت گوندا و چیرۆکێن قارەمانێن مە، وەل من کر کو کامێرایێ هەلگرم دا بشێم وان جوانی و داستانان ب وێنە تۆمار بکەم دا کو بۆ پاشەرۆژێ بمینن.
٥. زێدەتر چ کار دکەی د وێنەگریێ دا؟
کارێ من یێ سەرەکی مژویلی وێنەگرتنا هەمی جۆرە هەلکەفت و چالاکیێن جودا و مۆنتاژکرنا وانم ب کوالیتیا هەرە بلند.
٦. زیرەکییا دەستکرد (AI) و تەکنەلۆژیا:
تەکنەلۆژیا کارێ مە گەلەک پێش ئێخستی یە. ئەز ب ڕێکا AI دشێم وێنەیێن گەلەک کۆن و تێکچووی نوو بکەمە ڤە و ڕەنگ بکەم. ئەڤە شۆرەشەکە بۆ پاراستنا ئەرشیفێ مە، بەلێ دیسان “هەستا مرۆڤی” و “چاڤێ وێنەگری” هەرێ عەسلی یە.
٧. جوداهیا کاری بۆ ئافرەتێ:
وەک کچەک، رەنگە ل دەستپێکێ هندەک زەحمەتی هەبن ژ بەر کو ئەڤ کارە پتر یێ زەلامان دهاتە دیتن، بەلێ نوکە ئافرەتا کورد سەلماندیە کو هیچ جوداهی نینە و کچ دشێن ب هووری و هەستەکێ جوانتر دیمەنان بگرن.
٨. هاریکاریا مال و خەلکی:
سوپاس بۆ خودێ، خێزانا من پالپشتێ من یێ ئێکێ بوون و هەروەسا ماموستا رزگار کیستەیی هەردەم پالپشتەکێ بهێز بۆ بومن. خەلکێ مە ژی گەلەک رێزێ ل کچەکێ دگرن دەمێ دبینن ب کامیرێ خزمەتا مللەتێ خۆ دکەت، ئەڤە ژی هێزەکا مەزن ددەتە من.
٩. کیژ کار بۆ تە خۆشترە؟
ئەڤان هەرسیا دکەم (دەوات، سرۆشت، کلیپ…)
هەر ئێک تام و چێژا خۆ هەیە، بەلێ ئەز پتر حەزا من ل سەر سرۆشتی یە. وێنەگرتنا چیا و دەشتێن کوردستانێ و نیشاندانا دیرۆکا مە، نێزیکترین کارە ل دلێ من.
١٠. پەیڤا دوماهیێ و کارێ نوکە:
کارێ من یێ سەرەکی وێنەگرتن و ڤیدیۆگرافیا شەهیان و هەلکەفتانە. ئەز هەوڵ ددەم ب جوانترین و نووترین شێوازێن سینەمایی وان خوشیێن خەلکێ مە تۆمار بکەم، ژ وێنەگرتنا ناڤ هۆڵێ بگرە تا دگەهیتە دیمەنێن ئەسمانی یێن ب درۆنێ، دا کو ئەوا دێ مینیتە یادگار هەر دەم یا جوان و ب کواڵیتیا بەرز بیت.
پەیڤا من بۆ هەر کچەکێ ئەوە: چ جاران دەست ژ خەونێن خۆ بەرنەدەن و ب هێز بن.
