مهلا خدر و برایهتیا ئهرهبا
غیاس خالد زێبارى
ب درێژاهیا نێزیكى سهد سالایه خهلكێ كوردستانێ ب نهچار شۆرهش و سهرههلدانێن ئازادى و رزگاریێ بهرپا كرنه و داخازا مافێن خوه یێن رهوا كرینه و دكهت، یا جهى َ دلخۆشیێ ئهوه د ههمى كاوداناندا وهنهكرینه ئهڤ شهره چارچۆڤێ شهرێ بهرامبهر رژێمێن داگیركار ببیته شهرێ دناڤبهرا كورد و ئهرهبان دا، ب تایبهت ئهو شۆرهش و سهرههلداناێن ب رێبهریا پێشهوایێن رێبازا بارزانى و پاشان دامهزراندنا پارتى دیموكراتى كوردستان ب رێبهریا بارزانیێ نهمر، ل بزاڤا رزگاریا بارزان و شۆرهشا مهزنا ئیلۆنێ كۆ مهزنتر و دژوارترێن هێرش و ئۆپهراسیۆنێن لهشكریه دكرنه سهر كوردستانێ و شۆرهشى و وێرانكرنهكا ئێكجار زۆر گههاندن كوردستانێ و خهلكێ وێ، لێ رێنما و ئامۆژگاریێن بهردهوام یێن بارزانى نهمر برایهتیا كورد و ئهرهبا پاراست، پاشا ب رێبهریا سهرۆك مهسعود بارزانى ل شۆرهشا گوڵانێ و پاشان سهرههلدانێ بهردهوامى بڤى رهوشتێ مرۆڤایهتى دا و سهرهراى ئهنفال و كیمیابارانكرنێ و وێرانكرنێ، بزاڤا رزگاریخوازیا كوردستانى ب سهرپهرشتى و رێبهریا پارتى و بارزانى رێ نههاته دان بگههیته ئاستێ شهرێ كورد و ئهرهبا و ل چهندین دهرفهتاندا ب ئێك لایهنى دیل و سهر و مالێ ئهرهبان هاتنه پاراستن، ل سهرههلدانا پیرۆزا بوهارا سالا 1991 سهرۆك مهسعود بارزانى دووباره تهگهزى لسهر برایهتیا كورد و ئهرهبا كر و گیانێ هزاران سهربازێن رژێمێ و وهلاتیێن سڤیلیێن ئهرهب پاراستن . ل دهسپێكا سهرههلدانا 1991 و رزگاركرنا باژارێ ئاكرێ، سهرۆك مهسعود بارزانى د كهرنڤالهكا جهماوهریا بهرفرههدا ئهكهزى ل پاراستنا برایهتیا كورد و ئهرهبا كر، د ناڤ كهرنهڤالێدا مهلا خدرى كو كهسهكێ بهرنیاسێ دهڤهرێ یه و ژلایێ رژێما بهعسا ئیراقێ ب دژوارى هاتبوو سزادان، و تووشى نهساخیا دهروونى بوویه، ب دهنگكێ بلند گۆت” ئهز بهنى مه برایهتیا وان نهڤێت و ئهم نابیته برایێن ئێك ..سهرۆك بارزانى ب گرنژینڤه گۆت ئهم برایێن ئێك و دێ ڤێ برایهتیێ پارێزین . ئهڤه نیشانێ راست و رهوایى و مرۆڤپهروهریا خهلكێ كوردستانێ یه و دیاردكهك كو خهلكێ كوردستانێ چ ئاریشه ل گهل جڤاكێ ئیراقێ نینه و تنێ خهباتا وان ژبووى ئازادى و رزگاریێ یه ب شێوازهكێ سهردهمى و ئاشتیانه، لێ مخابن پشتى بۆرینا 35 سالان بسهر سهرههلدانێ و پێشڤهچوونێن جڤاكى ئاراستهیێ جڤاكێ ئهرهبیا ئیراقێ و سهركردێن وان یێن سیاسى بهرامبهر ههرێما كوردستانێ هاتیه گۆهڕین بۆ برایهتیێ و پێكڤه ژیانا كورد و ئهرهبان یان مهلا خدر راست بێژیت …؟ بلا بهرسڤ بۆ خاندهڤانان بیت .
