سوبەهی جڤاتا وەزیرێن کوردستانێ دێ کۆم بیت و دوو پرسێن گرنگ دێ هێنە بەحسكرن
سوبەهی چارشەمبی، 16 ئیلۆنا 2026، جڤاتا وەزیرێن هەرێما کوردستانێ ب سەرۆکاتییا مەسرور بارزانی، سەرۆکوەزیرێن هەرێما کوردستانێ، کۆمبوونا خۆیا ئاسایی دێ ب رێڤەبەت، د وێ کۆمبوونێ دا، دانوستاندن ل دۆر دوو تەوەرێن سەرەکی دێ هێتە كرن:
تەوەرێ ئێكێ: دانوستاندن ل سەر ئامادەکارییێن دەستپێکرنا سالا نوو یا خواندنێ یا 2026-2027، دێ هێنە كرن، وەزیرێ پەروەردێ و وەزیرێ خواندنا بلند و ڤەکۆلینێن زانستی، دێ هوورکارییێن پلان و ئامادەکارییێن خۆ دیار کەن.
تەوەرێ دووێ: شاندێ بلند یێ حکومەتا هەرێما کوردستانێ دێ راپۆرتەکێ دەربارەی کۆمبوونێن خۆ دگەل وەزارەتێن دارایی، نەفت و پلاندانانێن عێراقێ پێشکێش کەت، ئەو راپۆرتە دێ سەرنجێ ئێخیتە سەر رەشنڤیسێ پڕۆژەیاسایا بودجەیێ گشتی یێ عێراقێ بۆ سالا 2027.
