بۆ نڤیسەرێ ڕێزدار: بێوار حوسێن زێباری پیرۆزباهی …
سڵاڤێن زانست و خەباتێ …
دوو پەرتووک بناڤ و نیشانێ (خێزان و پەروەردە و ئابووریا کوردستانێ) ل لایێ ڕێزدار (بێوار حوسێن) هاتنە نڤێسین، بڤێ مەرەمێ جانترین پیرۆزباهییان ئاراستەی نڤیسەرێ ڕێزدار دکەم و هیڤیدارم هەردەم یێ سەرکەفتی بیت.
پەرتووك باشترین مامۆستایەو شاشیێن مرۆڤی ب بێدەنگی ڕاست دکەتەڤە، جوداهیەکا زۆر دناڤبەرا ئەوکەسێ پەرتووکان دخوینیت و ئەوێ نەخوینیت هەیە. ئەوێ پەرتووکان دخوینیت تام و خۆشیەکێ لێ وەردگریت و دلخۆش دبیت.
ل لایەکێ دیڤە، پەرتووک بانکا زانیارییانە و ئەو کەسێ ب خواندنا پەرتووکان مەزن ببیت چ جاران بۆ پشتێ نازڤریت و بچیک نابیتەڤە.
پەرتووك بهاترین و جانترین دیارییە و گەنجینا زانیارییانە بۆ مرۆڤی، خواندنا پەرتووکان مرۆڤی کەیف خۆش دکەت و ناهێلیت مرۆڤ تۆشی خەموکیێ و بێزاریێ ببیت و مێشکی مرۆڤی پڕ زانیاری دکەت.
نڤیسەرێ هێژا ….
ئەگەر چ مفایێن پەرتووکان ناهێنە هژمارتن لێ نڤیسینا ڤان هەردوو پەرتووکا ” خێزان و پەروەردە و ئابووریا کوردستانێ” ددەمەکێ زۆر پێتڤی و گۆنجایی هاتنە نڤیسین و چاپکرن و پەرتووکخانا کوردی دەولەمەند تر کر، جارەکا دی دەست خۆشیێ ل جەنابێ هنگۆ دکەم و هیڤیدارم هەردەم د سەرکەفتی بن.
دووبارە پیرۆزبیت ….
وەلید محەمەد
2-2-2026
