کرێزا دارایی و ئابوری و کارڤەدانێن نیگەتیڤ ؛
زەنون سلێڤانەیی
یائاشکەرایە شێۆازێ برێڤەبرنا ژیانێ و پێدڤی و پیۆیستێن وێ ژێ یێ هاتیە گهۆرین ل گەل ژیانێ دوهی و پێر دینەمویا ژیانا هەر کەسێ ژێ ئیرو ئیکۆنومیە ئانکو دارایی و داهات زەلالتر ئانکو پارە و کۆردا مێژ وەرە گوتیە : دراڤێ سپی بو روژا رەشە . دروژێن بەرتەنگ و رەشن دروژێن سەخت دا مروڤێ ژ هەر دەمەکێ پتر پێدڤی ب خەرجێ و پارەی هەیە ،
چەند سالێن لڤێ داوییێ هەرێما کۆردستانێ شیانێن پارڤەکرنا مەهانێن مووچێ فەرمانبەرێن خوە نەما و سیستەمێ پاشکەفت ولێبرین بکارئانی ،
ئانکو مووچە ببیتە نیڤ و پێدا ژی لێ دوی سیستەمی دا بێ ئەنجام بوون و نکارین هەر مەهانە پارڤەبکن ،
هەلبەت ئەڤە ژی بوویە ئەگەرێ کارڤەدانێن نیگەتیڤ ، وەکو بایکۆتا پشکەك ژ مامۆستا و فەرمانبەرێن هندەك دەڤەران وەکو باژێڕێ سلێمانیێ و زانیە و هەلەبچە و گەرمیان ……… هند ؛
نێزیکی هەشت سەد هزار قوتابی و خویندکار ژ خۆاندنێ هاتنە بێ بارکرن ژ ئەگەرێ بایکوتکرنا جهێن کاری و زانینگەهان و هولێن خویندنێ هەر چەندە بدیتنا مە ئەڤ جۆرێ بایکۆتکرنێ نەچارە سەریێ یە نابیتە پالدەر ژبو نەمانا ڤێ قەیرانێ ،
چونکە قەیران ژ نزمبوونا بهایێ پترولێ دەسپێکر حکۆمەتێ بتنێ پشتا خوە ب پارێن داهاتیێ پترولێ و ژێدەرێن وێ گەرم گریە ،
بەلێ وەك چاندن و پێشەسازی و خزمەتگۆزاری پاش گوهـ ئێخستن چاڤێن هەمیان لسەر بهایێ بلندبوونا وێ رییە داکو رەوشا ئابوری وەکو بەرێ بزڤریتە ڤە هەرێم ژڤێ کرێزا دارایێ و ئابوری ژ هەمی رەنگێن قەیرانان دەربازببیت. هەموو ئۆمێد ژی لسەر بهایێ پترولێ و بلندبونا وێ یە ،
لێ تشتێن ژ هەمیان سەیرتر ئەوە سەردێرو و مانشێت و داخویانیا بەرێز ئاشتی هەورامی وەزیرێ پێشو یێ پترولێ و سامانێن سروشتی دەمێ گوتی : بهایێ هەر بەرمیلەکا پترولێ بکۆژمێ سەد دولاران ژبیتە فروتن کرێزا ئابوری بداویی ناهێت و ئەڤ رەنگە داخویانیێن هەنێ گەلەك جاران بوویە جهێ گلەیێ و گازندەێن خەلکی لسەر ئاستێن جودا جودا قەیرانە بخوە ژی بوویە ئەگەرێ پەیدابوونا کارڤەدان و پرسگرێکێن جیاواز بخوڤە دئینیت ،
پرانیا خەلکێ جامێر و ژخوە شەرم نەچار کریە خازوکیێ خوە پێدڤی خەلکێ دی بکەت ژبو پەیداکرنا پاریێ نانێ ژیانێ و خۆدانکرنا خیزانێ و کرینا کەل و پەلا و کەرەستەیێن پیوست ،
لڤێرە ئەرکێ بەرپرسیارەتیێ ژی ڤەدگەریت بو حکۆمەتێ پلان و بەرنامەیەك تیرو تەسەل دروست بکەت بو بەرهاگاربونا لهەمبەر کرێزا دارایی و ئابوری قەیرانا دژوار بکریار پێنگاڤێن ل بەرچاڤ بهێتە هاڤێتن داکو گازیێن هەژارو بەلەنگازا خەلکێ ڤی وەلاتی ڤەگەرینن دئابوریەکا باش و ساخلەم و سەرکەفتیانە بشادو بەختەوەر بژین ؛
بو مالپەری بلاڤک
