پارێزەرێ ئۆجەلانی بۆمبەکێ دتەقینیت؛
پارێزەرێ ئۆجەلانی بۆمبەکێ دتەقینیت؛
ئۆجەلان نە د زیندانێ دایە و نە ل ئیمرالیێ یە، ل دەمێ دیدارێ دگەل پارێزەرێن خۆ ب هێلیکۆپتەرێ دگوهێزنە ئیمرالیێ!!!
- ئەحمەد زەکی ئۆکچوئۆغڵو: “عەبدوڵا ئۆجەلان نە د زیندانێ دایە کاک ئەرکان، باوەر ب من بکە، ئەو نە د زیندانێ دایە.”
- پێشکێشکار: “ئەدی پا ل کیرێیە؟”
- ئەحمەد زەکی ئۆکچوئۆغڵو: “ل ئێک ژ دامەزراوێن دەولەتێ یە، ئەڤ چەندە ژی گەلەک جاران د ڕۆژنامەیێن تورکی دا هاتیە دیارکرن.”
- پێشکێشکار: “ئەرێ ئۆجەلان ل زیندانا ئیمرالیێ نینە؟”
- ئەحمەد زەکی ئۆکچوئۆغڵو: “نەخێر، بتنێ دەمێ دیدار دگەل پارێزەرێن وی یان چاڤپێکەفتنێن دی هەبن دهیننە ئیمرالیێ، پاشان ژ وێرێ دبەنە دەرڤە.”
- ئەحمەد زەکی ئۆکچوئۆغڵو (بەردەوام دبیت): “من ئەو ژوورە دیتیە یا کو دبێژن ل ئیمرالیێ لێ دهێتە ڕاگرتن، ئەو ژی نە ب حەزا وان بوو؛ چونکی وان بەرەڤ وێ ژوورێ دبر و ئەز ژی ل دویڤ وان دچووم دا کو ژوورێ ببینم.”
- ئەحمەد زەکی ئۆکچوئۆغڵو (وەسفا ژوورێ دکەت): “کاک ئەرکان، نە خاولی لێ بوو، نە سابوون، نە پەرتووک، تەنانەت نەعلەک ژی! یا خودێ، چو تشت لێ نەبوو، تەنانەت بیجامە ژی! بتنێ قەروێلەکا سەربازی یا تەخت و گەلەک ب ڕێکوپێکی هاتبوو چێکرن.”
- ئەحمەد زەکی ئۆکچوئۆغڵو (تەئکیدێ دکەت): “د وان ڕۆژان دا دهاتە ئینان و پاشان دووبارە دبرە دەرڤە. عەبدوڵا ئۆجەلان چ جاران د زیندانێ دا نەبوویە.”
- پێشکێشکار: “بەلێ وێنەیێن وی ل وێرێ دگەل هەڤالێن وی د ناڤ زیندانێ دا هاتینە گرتن!”
- ئەحمەد زەکی ئۆکچوئۆغڵو: “ئەڤە هەمی بتنێ شانۆگەری و نواندنن کاک ئەرکان.”
- پێشکێشکار: “تۆ تشتەکێ گەلەک مەترسیدار دبێژی! دبێژی ئۆجەلان ژ لایێ دەولەتێ ڤە ل ئیمرالیێ نەهاتیە دەستەسەرکرن، بەلکو ل جهەکێ دی یە و بتنێ دەمێ چاڤپێکەفتنان دهێتە ئینان بۆ ئیمرالیێ؟”
- ئەحمەد زەکی ئۆکچوئۆغڵو: “بەلێ، بێگومان.”
- پێشکێشکار: “ئەدی بۆچی وەسا دکەن؟”
- ئەحمەد زەکی ئۆکچوئۆغڵو: “چونکی ب دیتنا من، ئەو فەرمانبەرێ دەولەتێ یە. نەشێن وی پیاوی ب وی ڕەنگی ل وێرێ بهێلن.”
وەرگێران ژ عەرەبی بۆ کوردی
کەمال کوردی
