کارنامەی عەلی زەیدی بۆ کابینەی نوێی حکومەتی عێراق بڵاوکرایەوە
کارنامەی حکومەتەکەی عەلی زەیدی، سەرۆکوەزیرانی راسپێردراوی عێراق بڵاوکرایەوە کە ئەمڕۆ رادەستی سەرۆکی پەرلەمان کرا.
تەوەرەی یەکەم: بەهێزکردنی سەروەری دەوڵەت و ئاسایشی نیشتمانی
کورتکردنەوەی چەک لەدەستی دەوڵەت و چەسپاندنی دەسەڵاتی یاسا.
بەهێزکردنی تواناکانی دەزگا ئەمنییەکان، هەواڵگری و سەربازییەکان، و هەمەجۆرکردنی سەرچاوەکانی پڕچەککردن.
پەرەپێدانی تواناکانی ئەندامانی حەشدی شەعبی بە جۆرێک کە توانای شەڕکردنیان بەهێز بکات و دیاریکردنی بەرپرسیارێتی و ئەرکەکانیان لەناو سیستمی ئەمنیدا بەپێی یاسا.
یەکخستنی بڕیاری ئەمنی و بەستنەوەی هەموو سەرچاوە و تواناکان بە سیستمی فەرمی دەوڵەتەوە.
بەرەنگاربوونەوەی تیرۆر و تاوانی ڕێکخراو و وشککردنی سەرچاوەکانی دابینکردنی داراییان.
بەهێزکردنی ئاسایشی سنوورەکان و پەرەپێدانی سیستمی چاودێری بەپێی تەکنەلۆژیای سەردەم.
چەسپاندنی پرەنسیپەکانی مافی مرۆڤ و دادپەروەری سزایی و پشتگیریکردنی ئازادی ڕادەربڕین و ڕاگەیاندنی ئازاد.
تەوەری دووەم: سیاسەتی دەرەوە
دوورخستنەوەی عێراق لە ململانێ ناوچەیی و نێودەوڵەتییەکان وەک هەنگاوێکی بنەڕەتی بۆ پاراستنی سەقامگیری ناوخۆیی و ڕاکێشانی وەبەرهێنان.
بەهێزکردنی پەیوەندی لەگەڵ وڵاتانی کاریگەر و دروستکردنی پەیوەندی تایبەت لەگەڵ وڵاتانی عەرەبی، بەتایبەتی وڵاتانی کەنداوی عەرەبی و وڵاتانی دراوسێ، هەروەها کارکردن لەسەر پڕۆژەی “ڕێگای گەشەپێدان”.
ڕێگەنەدان بەوەی عێراق ببێتە شوێنێک بۆ هێرشکردنە سەر وڵاتانی تر و ڕێگەنەدان بە دەستوەردانی دەرەکی لە کاروباری ناوخۆدا.
کاراکردنی ڕێککەوتنی چوارچێوەی ستراتیژی لەگەڵ ویلایەتە یەکگرتووەکانی ئەمریکا.
بەرزکردنەوەی بەهای پاسپۆرتی عێراقی.
بەهێزکردنی پێگەی عێراق لە ناوەندە نێودەوڵەتی و ناوچەییەکاندا.
کورتکردنەوەی پەیوەندییە نێودەوڵەتییەکان تەنها لە ڕێگەی کەناڵە فەرمییە دیپلۆماسییەکانەوە.
تەوەری سێیەم: چاکسازی ئابووری و دارایی
بونیادنانی ئابوورییەکی نیشتمانی هەمەجۆر کە کەمتر پشت بە نەوت ببەستێت.
پەیڕەوکردنی پرۆگرامی دیسپلینی دارایی و ڕێکخستنەوەی خەرجییە گشتییەکان و دیجیتاڵکردنی کۆکردنەوەی باج.
خێراکردنی پرۆسەی چاکسازی لە کەرتی بانکیدا بەپێی پێوەرە نێودەوڵەتییەکان بۆ بەرەنگاربوونەوەی سپیکردنەوەی پارە.
بەهێزکردنی کەرتی تایبەت و ڕێگریکردن لە قۆرخکاری.
چاکسازی لە کۆمپانیا حکومییەکان لە ڕێگەی شەراکەت لەگەڵ وەبەرهێنەرانی ناوخۆ و دەرەوە.
کاراکردنی “پەنجەرەی یەکگرتوو” بۆ ئاسانکاری وەبەرهێنان.
دابینکردنی پاراستنی ئەمنی بۆ کۆمپانیا بیانییە وەبەرهێنەرەکان، بەتایبەتی کۆمپانیا گەورەکانی نەوت.
دامەزراندنی “ئەنجومەنی باڵای سەقامگیری دارایی و نەختینەیی”.
دامەزراندنی “ئەنجومەنی باڵای وەبەرهێنان”.
دامەزراندنی “سندوقی نەوەکان” بۆ پاراستنی مافی نەوەکانی داهاتوو لە سامانی سروشتیدا.
تەوەری چوارەم: وزە (کارەبا و نەوت و گاز)
یەکەم: کارەبا: چاکسازی گشتی لە کەرتەکانی بەرهەمهێنان و گواستنەوە، بەشداریپێکردنی کەرتی تایبەت لە دابەشکردنی کارەبا، و وەرچەرخان بەرەو وزەی نوێبووەوە و تۆرە زیرەکەکان.
دووەم: نەوت و گاز: تەواوکردنی پڕۆژەکانی گازی هاوەڵ بۆ کەمکردنەوەی هاوردەکردن، کارکردن بۆ پەسەندکردنی “یاسای نەوت و گاز”، و زیادکردنی توانای پاڵاوگەکان بۆ گەیشتن بە خۆبژێوی لە سووتەمەنیدا.
تەوەری پێنجەم: پیشەسازی
چاکسازی لە یاساکانی پیشەسازیدا بۆ زیادکردنی بەشداری ئەم کەرتە لە داهاتی نیشتمانی.
پشتگیریکردنی پیشەسازییە ستراتیژییەکان (خۆراک، دەرمان، کەرەستەی بونیادنان).
کاراکردنی سندوقی پاڵپشتی هەناردەکردن و پاراستنی بەرهەمی ناوخۆیی.
تەوەری شەشەم: کشتوکاڵ و ئاو
بەکارهێنانی تەکنەلۆژیای سەردەم لە ئاودێری و کشتوکاڵدا.
بەستنەوەی پەیوەندییە سیاسییەکان لەگەڵ وڵاتانی سەرچاوەی ئاو بۆ دابینکردنی مافی ئاوی عێراق.
پەرەپێدانی سامانی ئاژەڵ و هاندانی وەبەرهێنان لە کەرتی کشتوکاڵدا.
تەوەری حەوتەم: حوکمڕانی و بەرەنگاربوونەوەی گەندەڵی
بونیادنانی بەرنامەیەکی نیشتمانی بۆ چاکسازی دامەزراوەیی و بەرەنگاربوونەوەی گەندەڵی دارایی و کارگێڕی.
گۆڕینی دامودەزگاکان بۆ سیستمی دیجیتاڵی بۆ کەمکردنەوەی بیرۆکراسی.
بەهێزکردنی نامەرکەزییەتی کارگێڕی و دارایی بۆ پارێزگاکان.
تەوەری هەشتەم: پەروەردە و خوێندن
بەرزکردنەوەی ئاستی خوێندنی حکومی و ئەهلی.
بەردەوامبوون لە دروستکردنی قوتابخانەکان (لە ڕێگەی سندوقی عێراق-چین).
ناردنی قوتابیان بۆ دەرەوەی وڵات لە پسپۆڕییە پێویستەکاندا و پشتیوانیکردنی توێژینەوەی زانستی.
تەوەری نۆیەم: تەندروستی
باشترکردنی خزمەتگوزارییە تەندروستییەکان و گەیاندنیان بە ناوچە دوورەدەستەکان.
فراوانکردنی سیستمی دڵنیایی تەندروستی (التأمين الصحي).
تەواوکردنی پڕۆژەی نەخۆشخانە پەککەوتووەکان و پەرەپێدانی پیشەسازی دەرمانی ناوخۆیی.
تەوەری دەیەم: پاراستنی کۆمەڵایەتی و بەرەنگاربوونەوەی هەژاری
چاکسازی لە یاسای کار و بەرزکردنەوەی کارایی تۆڕی پاراستنی کۆمەڵایەتی.
گۆڕینی سوودمەندان لە وەرگری هاوکارییەوە بۆ خاوەنکار لە ڕێگەی پشتگیریکردنی پڕۆژە بچووکەکان.
تەوەری یازدەیەم: پەیوەندییەکان و تەکنەلۆژیا
دەسپێکردنی ستراتیژی نیشتمانی بۆ وەرچەرخانی دیجیتاڵی.
دەسپێکردنی پڕۆژەی مۆڵەتی نیشتمانی بۆ مۆبایل (الرخصة الوطنية للهاتف النقال).
بەهێزکردنی ئاسایشی ئەلیکترۆنی (Cybersecurity).
تەوەری دوازدەیەم: مافی مرۆڤ و ئافرەت و منداڵ
پاراستنی کەرامەتی مرۆڤ و نەهێشتنی جیاکاری.
دەرکردنی یاسای بەرەنگاربوونەوەی توندوتیژی خێزانی و بەهێزکردنی ڕۆڵی ئافرەت لە ناوەندەکانی بڕیاردا.
تەوەری سێزدەیەم: گەنجان و وەرزش
پشتگیریکردنی هەڵبژاردە نیشتمانییەکان و دابینکردنی هەلی کار بۆ گەنجان.
کاراکردنی سەنتەرەکانی گەنجان بۆ پەرەپێدانی بەهرەکانیان.
تەوەری چواردەیەم: ڕۆشنبیری و گەشتیاری و شوێنەوار
پاراستنی ناسنامەی شارستانی عێراق و هەوڵدان بۆ گەڕاندنەوەی شوێنەوارە دزراوەکان.
پەرەپێدانی گەشتیاری وەک سەرچاوەیەکی داهات بۆ بودجە.
بنەماکانی جێبەجێکردن:
ئەم کارنامەیە وەک بەڵێنێکی نیشتمانییە لەبەردەم ئەنجومەنی نوێنەران.
حکومەت بەرنامەیەکی ورد بۆ هەموو وەزارەتەکان و هەرێمی کوردستان و پارێزگاکان دادەڕێژێت.
جێبەجێکردنی ئەم تەوەرانە بەستراوەتەوە بە دابینکردنی بودجەی پێویست لە یاسای بودجەی گشتیدا.
