مەسروور بارزانی بۆ جەزیرە: شەڕێ ئەمریکا و ئیرانێ کارتێکرنا نەرێنی ل سەر ئابۆرێ هەرێمێ و ئیراقێ هەبوویە
سەرۆکێ حکومەتا هەرێما کوردستانێ، مەسروور بارزانی، د دیدارەکا تایبەت دا ل گەل کەنالێ ئاسمانی یێ “ئەلجەزیرە” راگەهاند، کابینایا وان پێنگاڤێن گرنگ د وارێ چاکسازی و بەرهنگاربوونا گەندەلیێ دا هاڤێتینە، هەڤدەم بزاڤ کرینە ژێدەرێن داهاتی هەمەجۆر بکەت.
د وێ دیدارێ دا: سەرۆکوەزیران جەخت ل سەر وێ یەکێ کر، حکومەتێ چاکسازیێن جدی ئەنجام داینە، بەرهنگاری گەندەلیێ بوویە و ژێدەرێن داهاتی یێن هەرێمێ هەمەجۆر و تەڤئالی کرینە.
هەروەها دبێژیت: ل بەغدا ئیرادەیەکا باش نەبوویە دا کو ژێدەرێن داهاتی یێن باشتر و سەقگیرتر هەبن. و دوپات کر: هەرێما کوردستانێ پشتەڤانییا پێنگاڤێن زەیدی و بەغدا دکەت ب ئارمانجا باشترکرنا رەوشا ئابۆری یا گشتی.
ئاشکرا کر، شەڕ و ئالۆزیێن د ناڤبەرا ئەمریکا و ئیرانێ دا کارتێکرنا نەرێنی یا راستەوخۆ ل سەر ئابۆرێ هەرێما کوردستانێ و تەڤایا ئیراقێ هەبوویە و روون کر کو وەبەرهێنەرێن ناڤخۆ د ڤێ رەوشا دژوار یا ئابۆری دا رۆلەکێ ئەرێنی و هاریکار هەبوویە بۆ دەربازکرنا قەیرانان.
