قالیباف: ئەمریکا ئیرادەیا مە تاقی بکەت دێ وانەیاکا مەزنتر نیشا دەین

ئێکشەمبی 12ـی نیسانا 2026ــێ، محەمەدباقر قالیباف، سەرۆکێ پەرلەمانێ ئیرانێ د کۆنگرەیەکی رۆژنامەڤانیدا پشتی ڤەگەڕیانێ ل ئیسلام ئاباد، پەسنا خۆڕاگرییا گەلێ ئیرانێ کر و ڕاگەهاند، ئامادەییا خەلکی ل سەر جاددا و پشتەڤانییا وان ژ بۆ پەیاما ڕيبەرێ بلند، هێزەکا مەزن دایە تیمێ دانوستاندنکار.

دەربارەی گەفێن دۆنالد تڕەمپی، قالیبافی دووپاتکر،”ئەڤان جۆرە گەفان کارتێکرن ل سەر ئیرانێ نینە، مە سەلماندیە کو ئەڤە ب تنێ درووشم نینە و جیهانێ ب چاڤێن خۆ دیتیە”.

سەرۆکێ پەرلەمانێ ئیرانێ گۆت:” ئەگەر ئەمریکی شەڕی بکەن، ئەم ژی دێ شەڕی کەین، و ئەگەر ب لوژیکی بهێنە پێش، دێ ب لۆژیکی بەرسڤا وان دەین، ئەگەر جارەکا دی ئیرادەیا مە تاقی بکەنە ڤە، دێ وانەیەکا مەزنتر دەینێ”.