سوتنێن کو نەهێنە دیتن
ماموستایەکێ بابەتێ زانستێن کومەلایەتی ل زانکویەکا مالیزی،مەرجەك دانا بەر قوتابیێن خو کو بشێن دماوێ جوارهەیڤان دا،دبەر کورسێ خو یێ خواندنێ ڕا کەسەکێ بەختەوەربکەن،ژ بۆ ب دەست ڤە ئیانانا نمرەیەکا بلند د بابەتێ وی دا.
ماموستایێ مالیزی ل سەر هەر سیھ قوتابییێن خوسەپاند
کو ئەو کەسە ژ دەرڤەی خێزان و کەسوکارێن وان بن .
هەروەسا دڤێت ل دوماهییێ ئەو راببن ب پشاندانا کارێ وان کری،ل بەرامبەری هەمی هەڤالێن خو .ماموستا ب ڤێ هاندانێ بتنێ رازی نەبوو.بەلکو ئەوی رێککەفتنەک دگەل کومپانییەکا مالیزی کرداکو سپونسەریا وان بکەت ،
کو راببیت ب دانا دەھ هزار دولاران بو هەر دەھ قوتابیێن ئێکێ د ئەڤی پروژەی دا، ل دوماهیا کورسی هەر سیھ قوتابی ب پلەیێن بلند دەرجون.لێ پا هەڤالێن وان رابوون ب هەلبژارتنا دەھ ژ باشترین جالاکیان ب رێکا دەنگدانێ.پشتی کو هەمی قوتابییان چالاکیێن خو ل هولا زانکویێ پێشکێش کرین ب ئامادەبوونا دەیبابان وخەلکێ کوالا لامبور.ڤان جالاکیێن پر ژ مروڤاتییێ.
سەقایەکێ تژی ژ سوپرایز ل مالیزییا بەلافکر بەری دووسالا.هەر ئێك ژ وان قوتابییان بزاڤ کرن کو کارەکێ مروڤایەتییێ جێواز ژ یێن دیتر بدەت .ب ڤێ جەندێ ژی ئەو شیان گرنژینێ ل سەردێمێ هندەک کەسان پەیدابکەن.چالاکییا ئێك ژ قوتابیێن سەرکەفتی ئەوبوو
کو روژانە دیاریەکا بجیك ددانا بەردەرێ شوقا هەڤالێ خوو یێ زانکوویێ. ئەو کەسەکێ هندی یێ موسلمان بو.
بابێ وی ئەو فرێکربوو مالیزیا بو خواندنا پزیشکیێ.
ئەڤی قوتابی ئەو کەسێ هندی هەلبژارت.جونکی وی هەست پێکر کو ئەو یێ بێ هەڤال و گرنژینە هەتا دوماهییا سالێ .ئەڤ قوتابییێ هندی دگەل کەسێ نە د ئاخڤت و کەسێ گەل وی نە د ئاخڤت.ئەو گەلەک خەمگین وبێزار دیار دکر ،هەڤالێ وی یێ مالیزی ئەو
کونجایترین کەس دیت کو سەر کار بکەت کو ببیتە دل خوشترین کەس.ئێکەمین نامە بوو بری. نامەکا بجویك بو
کو ب کومپیوتەرێ زانکویێ و بێی ئیمزا هاتبوو نڤیسین. ئەو نامە دانابوو بن دەرگەهێ شوقەیا وی و تێدا نڤیسی بوو هەر ژ زاروکیینیێ من دڤیا ببمە نوژدار وەکی تە
لێ ئەزیێ لاوازبووم د بابەتێ زانستێ دا . خودێ ژیری
و زیرەکی یێن داینەتە ،کو تو دێ شێی ب رێکا وێ مروڤاتیێ دل خوشکەی٫ل روژا دیڤدا قوتابییێ مالیزی کولاڤەکێ کلتورێ مالیزی کری و دانا بەر دەرێ شقاوی
دگەل نامەکێ سەر نڤیسی بو هیڤیدارم بدلێ تەبیت؛
ل ئێڤاری قوتابییێ مالیزی هەڤالێ خویێ هندی دیت وکولاف یێ ل سەرێ وی و گرنژینەکامەزن یا ل سەر لێڤێن وی کو بەری نوکە وی قەت ئەڤ گرنژینە لدەف وی نەدیتبوو.نەبتنێ ئەڤ جەندە بەلکو وی لسەر روپەلا خو یافێسبوکی ناما ئەولی وکولاڤی بەلافکربوو.یا ژ هەمییان جوانتر کومێنتا بابێ قوتابیێ هندی بوو کولسەر وێنێ نامێ نڤێسابوو،هەتاهەڤالێن تەژی تە وەك نوژدارەك ژێهاتی دبینن.وان بێ هیڤی نەکە و بەردەوامبە .ڤێ کومێنتێ قوتابییێ مالیزی پالدا کو یێ بەردەوامبیت لسەر نڤیسینا نامان و پێشکێش کرنا دیاریێن بجیك بوهەڤالێ خویێ هندی بێی کو خو بو بدەتەنیاسین گرنژیینا قوتابییێ هندی روژ ب روژ بەرەف زێدەبونێ جوو.
روپەلا وی یا فێسبووکێ وتویتەری پرببو ژ هەڤال و پسیاران ؛دێ ئەڤرو ج ب دەستخوڤەئینی ؛،گیرونەبە؛
مەدڤێت بزانین دیاریا تەیا نوی جیە .ژیانا قوتابیێ هندی ب ئێکجار هاتە گوهرین ژ ڤەدەریەکا تژی خەمگینی بوو کەسایەتیەکا بەختەوەر و جڤاکی .ئەڤە ژی هەمی ب هاریکاریا هەڤالێ وی یێ مالیزی.پشتی دوو هەیڤان ژ دیاریان ونامەیان.قوتابییێ هندی بوو دەنگوباسێ سەرەکی ل زانکویێ و داخواز ژێ هاتە کرن سەربوورا خو دگەل وان نامان ودیاریان بوو قوتابییان ڤەگێریت.قوتابیێ هندی بەرامبەری هەڤالێن خو بەحسێ دیاریێن خو دکر.
سوپرایزا مەزن ژی ئەو بوو دەمێ وی گوتییە ناما ئێکێ وەل وی کریە کو دەست ژهێلانا خواندنا نوژداریێ بەرنەدەت وبشێت وان ئاستەنگێن خواندنێ و نەخوشییێن دوراتیێ دەرباز بکەت یێن کو ئەو تێدا دژییا.
قوتابییێ مالیزی محمد شریف رابو ب گێرانا رولەکێ سەرەکی دژیانا ئەڤی قوتابی دا ب ئەنجامدانا کارەکێ بجیک.قوتابییێ هندی د دەمەکێ نێزیك دێ خواندنا خو یا نوژداریێ ب دوماهیك ئینینت دبیت ژیانا دەهان یان سەدان کەسان رزگاربکەت پشتی هاریکاریا خودێ
ئەڤ کارە د زڤریت بو وی کەسێ ئەو نامە بوو نڤیسی
قوتابییێ مالیزی د بابەتێ زانستێن کومەلایەتی دا،
لێ هێشتا ئەو یێ بەردەوامە د کەیڤخوش کرنا کەسەکێ دا د هەر کورسەکێ خاندنێ دا. پشتی ئەو کارتێکرنە ل پشت خوو هێلای.ئەو فێربوو کو بەری هەرجارەکائەو بنڤیت نامەکێ یان دیاریەکێ ئامادەبکەت.محمدی رێکەفتنەک دگەل کومپانیەکا ئامیرێن ئەلکترونی کر دا کو.ئەڤی پروژێ خو بگوریت بو دەزگەهەکێ و رابیت ب
بەردەوامی دانا ئەڤی پروژەی .هەروەسا رابیت ب کومکرنا هندەک خوبەخشان بوو بەلاڤکرنا بەختەوەریێ دناف مالیزیا دا.ئەڤ جالاکییە ئەوە کو ئەم ل هیڤییێ کو زانکو وقوتابخانێن مەژی راببن ب ئەنجامدانا وێ کارتێ کرنا وێ دەرناکەڤیت و ب دوماهی ناهێت دگەل جوونا مە ژ وی جهی بەلکو دگەل مە دمینیت و کارتێکرنێ ل جیهانا مە دکەت.
گەلەک کەس یێن هەین ل رەخێن مە کو پێتڤیی ب نامەکا جوانن یان دلوڤانیەکێ نە د ئەڤێ جیهانا تژی ژ خەمگینیێ دا.بەلێ مخابن گەلەک دکێمن یێن ب ڤی کاری را دبن.
ئەگەر قوتابخانە و زانکویێن مەژی راببن ب جالاکیەکا هوسا یا سادە. ئەو د شێن بەختەوەریێ پەیداکەن و گرنژینێ بخەملینن دچڤاکێن مەیێن تژی برین دا دشیان دایە ئەم گوهرینان د کومەلگەهێ خودا پەیدا کەین ب رێکا ئەنجامدانا هندەک جالاکییێن بجیک.مخابن کو ئەم کارتێکرنا خو هەردەم پشت گوھ قە د هاڤێژین .دا ژ ئەڤروو پێڤە دەست ب پروژێ کەیڤخوشکرنا کەسەکێ بکەین ل هەمی حەفتیان. بابەت نە پێتڤی هەولدان ومەزاختنێن مەزنە.بەلکو دبیت نامەک بیت ئەم بوو کەسەکێ نێزیک یان یێ بیانی فرێکەین یان ژی دیاریەکا بجیک ب دانینە سەر مێزا هەڤالەکێ یان کارمەندەکێ.
بلا ل بیرا وەبیت کو گەلەک ئاگر دهەلن د سینگێ وان کەسێن دەورووبەرێن مەدا کو پێتڤی کەسەکێ نە ئەوی ئاگری ڤەمرینن؛ ب گرنژینەکێ یان رەڤتارەکا نەرێنی یابجویك کو گەلەک ژ وێ بجیک تر یا تو هەست پێ دکەی
ئامادەکرن /سەیاف مازی
ژێدەر/پەرتوکا دەمژمێر ٧:٤٦ئێڤاری
نڤیسەرێ پەرتوکێ/عەبدولا مەغلوس
وەرگێرێ پەرتوکێ/ئەزهار عبدلحکیم
