بو هەر چار گیانێن بێ گونەهـ .

هەمبێزا سوتی

​وێ شەڤێ، ستێرێن ئەسمانێ گوندی ژ ترسان ڤەلەرزین، دەمێ دەنگێ تەقینەکێ بێدەنگییا شەڤێ شکاندی، گوند هەمی ژ خەو ڕابوو، لێ ئاگر بەری هەمییان گەهشتبوو مالەکا بچووک، دناڤ جەرگێ وێ سوتنا بێ ڕەحم دا، دەیک و بابەکی ب تنێ ئێک خەون هەبوو، کو لەشێن وان ببنە پەناگەهەک بۆ پاراستنا هەردوو کچێن وان.
​سپێدێ، دەمێ دوکێل ژ ناڤ وێ مالا وێرانبوی بلند بوی، هەمی تشت ببوو خۆلی، ب تنێ هەمبێزا سار یا دەیک و بابان مابوو کو هەتا دوماهی کێلیکا ژیانێ، هەردوو کچێن خۆ تێدا ڤەشارتبوون، ئەو دوو کچە رزگار بوون، لێ ب چاڤێن تژی دوکێل و دلێن سوتى، وان دزانی کو ئێدی ئەو تبلێن دەیکێ یێن کو جاران د ناڤ کەزیێن وان دا گەریان، د ناڤ خۆلیێ دا ب ئێکجاری سوتینە، و ئەو پالپشتێ کو جاران چیا ل بەر هێزا وی دچەمین، ئەڤرۆ ببوو خۆلی و وان ب تنێ ل بەرامبەر باکۆزێن ژیانێ هێلابوون.
​هەمییان دوعا دکرن، لێ چاڤێن وان کچان ب تنێ ل هیڤییا دەنگەکی بوون کو نەدهات، وێ شەڤێ، ئەو خێزان بوو سێ پارچە: پارچەک ب دوو گیان ڤە چوونە بن ئاخێ و پارچەک ب دوو گیان ڤە ژی ل سەر ئەردی مان، و پارچا سێ یێ ژی بو خۆلی.