سەرۆک بارزانی: داخوازیێ ژ هەمی لایەنان دکەم پشکداریێ د پڕۆسەیا سیاسی دا بکەن
ب ناڤێ خودایێ مەزن و دلۆڤان
ب هەلکەفتا چالاککرنا پەرلەمانێ هەرێما کوردستانێ، پیرۆزباهیێ ل گەلێ کوردستانێ، دەستەیا سەرۆکاتیا پەرلەمانی و هەمی لایەنێن سیاسی دکەم.
پشتی دەربازبوونا دو سالان ب سەر هەلبژارتنێن هەرێما کوردستانێ دا، خۆشبەختانە بڕیار هاتە دان پەرلەمانێ کوردستانێ بهێتە چالاککرن. ل ڤێرێ سوپاسیا هەمی وان پەرلەمانتاران دکەم ئەوێن هەلویست هەبوی و ب ئەرکێ خۆ یێ یاسایی و نیشتیمانی ڕابوین و ئەڤ دامەزراوەیا دەستووری یا هەرێمێ چالاککری.
چالاککرنا پەرلەمانی پێنگاڤەکە ب ئاراستەیا پاراستن و بهێزکرنا هەرێما کوردستانێ و ل دژی هیچ کەس و لایەنەکی نینە، ب پشتڕاستیڤە دێ د خزمەتا بەرژەوەندیێن گەلێ کوردستانێ و پڕۆسەیا سیاسی دا دبیت.
پشتی پەرلەمانی دەست ب کارێن خۆ کری، داخوازێ ژ هەمی وان لایەنێن بەڕێز دکەم ئەوێن پشکداری د وی پڕۆسەیێ دا نەکرین، ئەو ژی پشکداریێ بکەن و پێکڤە ژبۆ خزمەتکرنا گەلێ کوردستانێ و پێنگاڤێن دی هەڤکار و یارمه‌تیدەرێن پڕۆسەیا سیاسی بن.
مسعود بارزانی
٤ی تشرینا دووێ ۲٠۲٦
