هەڤسەرۆکا کەجەکێ: تا عەبدوللا ئۆجالان نەهێتە ئازادکرن گەریلا چ گاڤێن دى ناهاڤێژن
هەڤسەرۆکا کەجەکێ راگەهاند، تا عەبدوللا ئۆجالان نەهێتە ئازادکرن و پێگەهەکێ فەرمى پێ نەهێتە دان گەریلا چ گاڤێن دى ناهاڤێژن.
بەسێ هۆزات، هەڤسەرۆکا کۆما جڤاکێن کوردستانێ بالێ سەربازى یێ پەکەکێ (کەجەک)ێ د هەڤپەیڤینەکێ دا ل گەل تلەڤزیۆنا میدیا خەبەر راگەهاند، د هەیاما دو سالێن بۆرى دا ب راگرتنا شەڕى و ڤەکێشانا هێزێن وان ژ باکۆرێ کوردستانێ گاڤەکا دیرۆکى تۆمار کریە، ل هەمبەر ئەنقەرە چ گاڤێن ب کریار بۆ دیمۆکراتیبوون و زەمینەسازییا یاسایى نەهاڤێتینە.
هۆزات ب توندى بەرسڤا محەمەد ئۆچووم، شیرەتکارێ بلندێ سەرۆککۆمارێ تورکیا دا و ب نوینەرێ رەوتا شەڕى و فەرمۆشکرنێ د ناڤا دەولەتێ دا بناڤکر.
ئوچوم د کۆمبووونەکێ دا ل گەل میدایا تورکیا دەربارەیى پێگەهـ و رەوشا یاسایى یا ئۆجالانى گۆتیە: ئەگەر لژنەیەکا لاوەکى یا چەکدانان و ب سیاسیکرنێ بهێتە پێکئینان و ئۆجالان ب رێکخەرێ لژنێ هاتە راسپاردن، ئەڤ راسپاردنە نە پێگەهەکێ یاسایى یێ ئۆجالانى د گوهۆڕیت و نەژى سزایێ وى دێ هێتە هەلوەشاندن.
هەروەسا دیارکر، ئۆجالان ئیرادەیا گەلەکى یە و ئازادییا وى ب چارەکرنا پرسا کوردى ڤە گرێدایە و رۆهن و ئاشکرایە تا ئۆجالان نەهیتە ئازادکرن و پێگەهەکێ فەرمى نەبیت و ب ئازادى پرۆسێ ب رێڤەنەبەت گەریلا ئێک گاڤا دى ناهاڤێژیت.
هۆزات هۆشدارى دا هەلسوکەوتێ ل گەل رێبەرێ وان هەلسوکەوتە ل گەل تەماما گەلێ کورد ئەگەر پێگەهێ فەرمى نەبیت واتا ئەوە دەولەتێ نەڤێت کێشەیا کوردى چارە بکەت.
هەڤسەرۆکا کەجەکێ دەربارەیى وان بزاڤێن دەزگەهێن راگەهاندنێ یێن نێزیکى دەستهەلاتێ بەلاڤکرین کو گۆتییە شکەفتێن خواکورک، خنێرە و گارە نەهاتینە چوولکرن و چەک دانایە، ئەڤە هەموو شەڕێ تایبەتن ب دروستکرنا رۆژەڤا نوو و تێگەهشتنا جودا یاریێ ب دەمى دکەن و دەمى بخۆ د کڕن.
هۆزات دازانین ژى ئەگەر دەلیڤەیا سیاسەتا دیمۆکراتانە بهێتە رەخساندن دێ دەستان ژ مەتینا، خواکورک و خنێرە بەردەین و ل هەموو گۆرەپانان گەریلا دێ چەکى دانبیت و ب شێوەیەکێ رێکخراوەیى دێ سیاسەتا دیمۆکراتانە کەت.
