مەکتەبا ڕێکخستنا پ.د.ک ل بەهدینان ڕۆژا جیهانی یا مامۆستایان پیرۆز دکەت
ب هەلکەفتنا ڕۆژا جیهانیی یا مامۆستایان، مەکتەبا ڕێکخستنا پارتی دیموکراتی کوردستان ل بەهدینان، گەرمترین پیرۆزباھیێن خۆ، ئاراستەی هەمی مامۆستایێن کوردستانێ و جیهانێ دکەت و ئەرک و پەیاما پیرۆزا وان د پەروەردەکرنا نفشێن نوو دا، ئاڤاکرنا تاکەکێ هشیار و پێشخستنا جڤاکان دا، ب بهایەکی بلند دزانین.
د ڤێ هەلکەفتێ دا، ب ڕێز و پێزانین ڤە، ڕۆلێ مامۆستایێن کوردستانێ ب بیر دئینین؛ ئەو مامۆستایێن، پەیاما زانست و پەروەردێ د سەختترین بارودۆخان دا هەلگرتی، ئێش ئازار کێشاین و قوربانیێن مەزن داین و ب دلسۆزی پشکداربووین د پاراستنا زمان، کەلتوور و ناسنامەیا گەلێ مە دا، و چرایا زانستی گەش هێلای.
د ڤێ هەلکەفتێ دا، سڵاڤ و پێزانینێن تایبەت ئاراستەی مامۆستایێن دەڤەرا سەربەرز یا بەهدینانێ دکەین، ئەوێن ب بەردەوامی د گۆڕەپانا پەروەردە و فێرکرنێ دا خزمەتێ پێشکێش دکەن. ڕۆلێ وان د ئاڤاکرنا بەرەبابەکێ هشیار و پڕ زانست دا و پاراستنا کەلتوور و ناسنامەیا گەلێ مە دا، جھێ شانازی و پێزانینێیە.
هەر ساڵ مامۆستایێن کوردستانێ و جیهانێ د خێر و خۆشیێ دا بن.
هەردەم چرایێن زانستی و هیڤی و ئۆمێدێن پاشەڕۆژێ بن.
مەکتەبا ڕێکخستنا پارتی دیموکراتی کوردستان – بەهدینان
٥ی چریا پێشین ٢٠٢٦ێ
