٢٥ی ئەیلوول “ڕۆژی دەنگی گەلێک
لانـــــە محەمەد شەریف
٢٥ی ئەیلوولی ٢٠١٧، یەکێکە لە ڕۆژە گرنگەکانی مێژووی نوێی کوردستان ڕۆژێک کە گەلی کورد بە دەنگێکی ئاشکرا و بەشدارییەکی بەرفراوان ئارەزوو و خواستی خۆی بۆ داهاتووی سیاسی دەربڕی.
ڕیفراندۆم تەنها دەنگدانێک نەبوو بۆ زۆرێک لە کوردان بوو بە دەرفەتێک بۆ دەربڕینی هیوا ناسنامە و مافە نەتەوەییەکان. لەو ڕۆژەدا دەنگی ژن و پیاو پیر و گەنج لە شار و شارۆچکە و گوندەکانی کوردستان لە یەک خاڵدا کۆبووەو دەنگدان بۆ ئەو داهاتووەی کە خۆیان بۆ خۆیان دەیانەوێت.
ئەم ڕۆژە هەروەها یادمان دەخاتەوە کە مێژووی گەلەکان تەنها بە ڕووداوە سیاسییەکان نانووسرێت بەڵکو بە هەست و هیوا و بەشداریی خەڵکیش دروست دەبێت. ٢٥ی ئەیلوول بوو بە بەشێک لە بیرەوەریی هاوبەشی کورد و بە ڕۆژێک کە دەنگی گەل بە شێوەیەکی ئاشکرا تۆمار کرا.
لە یادی ئەم ڕۆژەدا، گرنگە بیر لەوە بکەینەوە کە هێزی گەل لە یەکڕیزی، هۆشیاری و بەشدارییە. مێژوو بەردەوامە و ئەوەی ئەمڕۆ دەنووسین، دەبێتە بەشێک لە بیرەوەریی نەوەکانی داهاتوو.
٢٥ی ئەیلوول، یادەوەریی ڕۆژێکە کە گەلێک دەنگی خۆی هەڵبژارد بۆ ئەوەی خواستی خۆی دەرببڕێت
