زەنگا سالا نوی یا خاندنێ ………………………………
نڤیسینا / عبدالله چەتو
هاتنا سالا نوی یا خواندنێ (2026 – 2027) ل ماموستایێن دلێر و قوتابیێن سەرەرم و تەڤ خەلکێ کوردستانێ پیروزبێت، کو ب سایا حکومەتا هەرێما کوردستانێ ئێکەم زەنگا سالا نوی یا خواندنێ لڕوژا ئێک شەمبی رێکەفتی 21/9/2026 دێ هێتە لێدان و پڕوسا خواندنێ لژێر ئالایێ بەرزێ کوردستانێ دێ دەستپێکەت ،
سالەک بیت قوتابی ب هیمەتەکا بەرزا زانستی بەرەف قوتابخانە و پولێن خاندنێ بچن ، خامە و پەرتوکێن وان ببنە ئامرازێ سەرەکی یێ سەرکەفتنا وان ،
سالەک بیت قوتابی کو هێز و ئیرادە و پاشەروژا گەشا مللەتانە ب ئومێد و گەشبینی ڤە پێنگاڤا بەرەڤ پول و ناڤەندنێن خواندنێ ببەن بو هندێ ب نویترین زانستێ سەردەمیانە کەسایەتیا خوە ئاڤابکەن و خزمەتا وەلاتئ خو بکەن ،
سالەک بیت ماموستا کو سیمبول و رێ نیشاندەرێن زانست و زانینێ نە ب ئەمانەت پەیاما خوە یا پیروزا پەروەردەکرنێ و فێرکرنێ بگەهینن وە قوتابیان لسەر بناغەکێ زانستی و بنەمایێن هزرا نەتەوایەتی و رەوشتێ بەرزێ کوردایەتی پەروەردە بکەن ، پەروەردەیەک بیت شەنگستێن وێ زانست و رێزگرتن و رەوشت وخوش ڤیانا وەلاتی بیت ژبەرکو مامۆستا بەری کو بەرپرس بیت ژ فێركرن و نڤیسین و خاندنێ بەرپرسە ژ فێرکرنا وانەیێن ئەخلاق و ڕەوشتی بو خوینکاران ،
سالەک بیت دەیک و باب کو ستوینا سەرەکی یا ئاڤاکرنا کەسایەتیا زاروکانە ببنە فاکتەرێن تەمامکەر بو پەیاما پیروزا ماموستا وب باشترین شێوە زاروکێن خوە ئامادە و پەروەردە بکەن بو هندێ ل پاشەروژێ زاروکێن خوە ل پایێن بلندێن زانستی دا ببینن و رۆل هەبیت د ئاڤەدانی و پشڤەبرنا وەلاتی دا ،
سالەک بیت ستایشا رۆلێ حکومەتا هەرێما کوردستانێ بکەین کو سەرەرای هەمی ئاستەنگ و قەیرانێن دارای بەردەوامن لسەر پالپشتی و پشڤەبرنا کەرتێ پەروەردێ و پروسا خواندنێ ل لگورەی وان ئیمکانیاتێن ل بەردەست هەین و سالانە لدویف قەبارێ پێویست فێرخواز و قوتابی وەردگرن داکو بو ئایندەی ب کەڤنە د خزمەتا گەل و وەلاتی دا .
