سەرۆکێ حکومەتا ھەرێما کوردستانێ ل گەل سەرۆکێ میرنشینا عەرەبی یا ئێکگرتی کۆمبوو
دوهی سێشەمبی 9/1، سەرۆکێ حکومەتا هەرێما کوردستانێ مەسرور بارزانی، ل باژێرێ ئەبودەبی، ل گەل شێخ محەمەد بن زاید ئال نەهیان سەرۆکێ میرنشینێن عەرەبی یێن ئێکگرتی کۆمبوو.
د دیدارێ دا کو شێخ محەممەد بن ڕاشد ئال مەکتووم جێگرێ سەرۆکی و سەرۆک وەزیرێن ئیماراتێ و حاکمێ دوبەی ئامادە بوو، هەردو ئالیان شەرمزاریا هێرشێن ڤێ دوماهیێ بۆ سەر ئیماراتێ کر و پێدڤیا پاراستنا ئارامی و ئاسایشا دەڤەرێ دوپات کر.
هەروەسا جەخت ل سەر گرنگیا پتر بەرفرەهکرن و قایمکرنا پەیوەندیێن دناڤبەرا هەرێما کوردستانێ و ئیماراتێ دا کر و بەرفرەهکرنا هەماهەنگی و هەڤکاریێ د کەرتێن جۆدا جۆدا دا.
د بەشەکێ دی یێ دیدارێ دا، دوماهیک پێشهات و گۆڕانکاریێن دەڤەرێ هاتنە بەحسکرن.
