گرنگیا دامەزراندنا پارتی
ناجح بێجانی:
دامەزراندنا پارتی دیموکراتی کورد وەکو پێدڤیەکا مێژووی و ڕۆژەکا پڕشگندارە دبزاڤا رزگاریخوازیا کوردستانێ دا ،
پشتی شەرێ دوێ یێ جێهانێ ب دووماهیک هاتی و سەرو بەندێین گوهۆڕینان ل دەڤەرێ و دەولەتێن نووی ژدایکبوون وتوخیبێن نووی هاتبوون دورستکرن ژ بۆ کوردان ژی دەرفەت بوو کو درێیا دامەزراندنا پارتەکا سیاسییا کوردی دال باشوورێ کوردستانێ بهێتە دامەزراندن بۆ وێ قۆناغێ کو بشێتن سەرکێشیا بزاڤا ئازدیخوازا کوردستانێ بکت و هەر چەند ب نهێنی وئامادەبوونا (٧٠) ئەندامێن پارتی کۆنگرێ ئێکێ ل بەغدا هاتەبەستن ،
لێ ل قۆناغا دەستپێکێ دا بەلاڤبوونا هزریێن نەتەوەیی ڕەوشنبیرێ و پێگەهاندنێ بوون ب دوڕشمێ بهێزکرنا هەستا نەتەوەیی و دناڤ جڤاکێ کوردیدا و پالپشتەک ژی بۆ کۆمارا کوردستان ب مخابنی ڤە دەولەتێن زلهێز ژ بۆ بەرژەوەندیێن خوە، وەکو پێدڤی پشتەڤان نەبوون ، لەومانێ ژییێ کۆمارێ کێمتر ژ سالەکێ خایاند ،
ئەڤجا پارتی بۆ هەر چار پارچیێن کوردستانێ ئۆمێدبەخش بوو ، ببوو جهێ ئۆمێدێ و دەلیڤەک بوو کو بشێتن بەردەوامییێ بدەتە کاروانێ خەبات و تێکوشینێ و ببوو ڕێخۆشکەرەک ژبۆ دانانا بنەمایێن دەولەتەکا کوردی یا سەربەخۆە وبەرسڤەک ژی بۆ دوژمنان، لەوما ژی ل کۆنگریێ سییێ ل سالا ١٩٥٣ێ پارتی ناڤێ خوە گۆهارت بۆ پارتی دیموکراتی کوردستان داکو پتر دەلیڤە پەیدا بت بۆ کوردیێن هەر چار پارچان ل ژێڕ سەرکردایەتیا بارزانیێ نەمر و دەرەفەتەک زێرێن ژی بوو ،
ژ بەر هندێ ژی پارتی شییا سەرکێشیییا دو شۆڕەشێن کوردی یێن چەکداری بکت (ئەیلونێ – گۆلانێ) پێشمەرگەیێن هەر چار پارچیێن کوردستانێ کو ژ هەمی تەخ وئۆل ومەزهەبان تەڤلی شۆڕەشێ بوون ژبۆ بەرەڤانیکرن وبەرخوەدانێ بۆ کوردستانەک ئازاد ،
'' لەوما ژی ب وێ ئێکڕێزێ دۆژمن نەچارکرن دانپێدانێ ب هندەک مافێن سەرەتایێن یێن کورداندا بکن و ل سالا١٩٧٠ێ ، بۆ وێ قۆناغێ گرنگ بوون کورد ل سەرانسەری جیهانێ پتر هاتن نیاسین و ئارامیەک ژی ل کوردستانێ هەبوو''
لێ ب مخابنی ڤە دوژمنین کوردان وەکو هەر جار دەمێ لاواز بوونێ دا بەرهەڤن هەتا دگەل دوژمنێن خوە ژی پەیمانان ئیمزا بکن، ب تنێ مەرەما وان بۆ نەهێلانا شۆڕەشێن کوردان ، ڕاستە شۆڕەشا ئەیلونێ بۆ وەختەکێ کێم شەڕێ چەکداری راوەستاندو دکاودانەکێ هەری ئاڵۆز و بێ ئۆمێدیێ دا بوو، ژ ئەنجامێ ڕێکەفتنا خیانەتکارانە یا جەزائیرێ ،
لێ جارەکا دی پێشمەرگەیی ب مۆرالەکا بلند
و هەست ب بەرپسیارەیەتیێ و باوەری بخوەبوون چریسکا شۆڕەشا گولانێ دەستپێکرو یا جودا بوو ژلایێ ڕێکخستنێن نهێنی وپرەنسیب ودیسپلینێن سەربازی ژی ڤە گەلەک یا رێکوپێک و نموونەیی بوو،
پێداچوونەکا واقعیانە و دارشتنا بەرنامەکێ نوی ب خەباتا چەکداری وئەنجام دانا چالاکێن لەشکەری ب تەکتیکێن تازە و شەرێ پارتیزانییێ، لەوما ژی وبەرهەمێن هەر دو شۆڕەشان گەهشتنە قۆناغا سەرهلدانێ و ئەڤرۆکە ئەم بووینە خودان حوکمەت و پەڕلەمان و هەتا راددەیەکێ نیمچە سەربەخو ،
پارتی د ژییێ (٨٠)ێ سالییا سالڤەگەرا خودا بۆ ئێک چڕکە ژی ژ وان ئارمانجێن خەبات بۆ دکر پاشگەزنەبوویە هەردەم بەرەف پێشڤە دچت و هەتا کو کورد کوردستانیان بگەهیننە کەنارێ ئارامییێ و سەربەخوەییێ ،پیرۆزبیت ژدایکبوونا سەرۆک بارزانی ، پیرۆز بیت سالڤەگەرا (٨٠)ێ سالییا دامەزراندنا پارتی ،
دێ هەر مینت بهێز ئیرادا گەلێ کورد دژی پیلانێن دوژمنان بەژنا خوە بۆ روحا وان شەهیدان دچەمینم یێن کو ب خوینا وان ئەڤرۆ ئەم ئازاد بوون ،ب سەرکێشییا بابێ روحییێ نەتەوێ کورد بارزانییێ نەمر ، هەربەرزو بلند بیت ئالایێ کورد وکوردستانێ .
