مەکتەبا سیاسی یا پارتی دیموکراتی کوردستان پەیامەکا پیرۆزباهیێ بەلاڤکر
ب هەلکەفتا ١٧یەمین ساڵیادا ڕاگەهاندن و دامەزراندنا بزووتنەوا گۆڕان، مەکتەبا سیاسی یا پارتی دیموکراتی کوردستان پەیامەکا پیرۆزباهیێ ئاراستەی سەرکردایەتی، کادیر، ئەندام و ئالیگرێن وێ بزووتنەوێ کر.
“ل ساڵیادا دامەزراندنا بزاڤا گۆڕان، گەرمترین پیرۆزباهیێن خۆ ئاراستەی بزووتنەوێ و هەمی کادیر، ئەندام و ئالیگرێن وێ دکەین، و ئومێدەوارین د خەباتا خۆ یا مەدەنی و ڕێکخراوەییدا د پێناڤ خزمەتکرنا پتر یا دۆزا ڕەوا یا گەلێ مەدا بەردەوام بن.
د ڤێ یادێدا، پێگەهـ و ڕۆلێ بزاڤا گۆڕان د پرۆسەیا سیاسی یا هەرێما کوردستانێدا ب بەرز هەلسەنگینین.
د هەمان دەمدا، جەختێ ل سەر گرنگیا ئێکڕیزی، تەبایی و هەماهەنگییا د نێڤبەرا مە و تەڤایا هێز و ئالیێن سیاسی یێن کوردستانێدا دکەین، دا کو پێکڤە پاراستنێ ل دەستکەفتێن مە یێن نەتەوەیی و نیشتمانی بکەین و تەڤایا مافێن خۆ یێن دەستووری ب دەست ڤە بینین.
جارەکا دی ساڵیادا دامەزراندنا بزاڤا گۆڕان پیرۆز دکەین، هیوادارین هەمیشە سەرکەفتی بن.”
مەکتەبا سیاسی یا پارتی دیموکراتی کوردستان
٢٥ی تەمموزا ٢٠٢٦
