عێراق به هشتا دزانه و زه بلخانا هه ژارایه …….

محمد  مراد
​مێژووا عێراقێ چ جاران دیمه‌نێن وه‌سا ب خۆڤه‌ نه‌دیتینه‌؛ ژ سه‌رده‌مێ حه‌مورابی و هه‌تا ئه‌ڤڕۆ، چ جاران وه‌لات نه‌كه‌فتیه‌ د بن حوكمێ سیسته‌مه‌كێ هه‌ره‌شه‌كه‌ر یێ وه‌سا كو تێدا نیشتمان ببیته‌ قوربانیێ چه‌ند كه‌س و حزبان. پشتی نه‌مانا رژێما به عس ل شۆنا كو عێراق به‌ره‌ف ئاڤاكرن و پێشكه‌فتنێ بچیت، كه‌فتە د ناڤ زه‌لاكا گه‌نده‌ڵی، ڕه‌شوه‌ و به‌رتیلان دا، هه‌تا گه‌هشته‌ وێ رادێ كو وه‌لاته‌كێ خودان سه‌روه ت و سامان ببیته‌ «زه‌بلاخانه‌ك» بۆ خه‌لكێ خۆ و به‌هه‌شته‌كه بۆ دز و تالانكه‌ران.تالانکرن لبن په ردێن ڤه شارتی و تایفه گه ری .ئه‌و بودجه‌ و میلیارێن  كو دڤیا ببانه‌ قوتابخانه‌، نه‌خۆشخانه‌ و پرۆژێن خزمه‌تگوزاری، بوونه‌ پشك و ئیمتیازات بۆ حزبان. لبن په‌رده‌یا مه‌زهه‌بگه‌ری، شیعه‌ و سوننه‌، حه‌شد و هێزێن سیاسی كه‌فتنه‌ هه‌ڤڕكیێ نه‌ك بۆ خزمه‌تا وه‌لاتیان، به‌لكو بۆ دابه‌شكرن و لێكڤه‌كرنا سه‌رو سامانێ  عێراقێ. ئه‌ڤ هه‌ڤپه‌یمانیا گه‌نده‌ڵ یا ڤه‌شارتی، وه‌لات كرە پۆست و پله‌ و ئابووریه‌كێ داڕماوی، كو تێدا هه‌ر لایه‌نه‌ك بزاڤێ دكه‌ت پشكا  شێری بۆ خۆ ببه‌ت.
​بازرگانی ب پۆستێن نیشتمانی و مه‌زاد  کرنا فرۆتنا نیشتمانی.
​كارەسات گه‌هشته‌ وێ رادێ كو بهایێ مرۆڤی و پۆستێن نیشتمانی ب پاره‌یی بهێته‌ خه‌ملاندن. ته‌زبیحێن سیاسی و بازرگانێن ده‌سه‌لاتێ، پۆستێن ویزاری و ئیداری د فرۆشن ب سه‌دان ملیۆن دیناران. پارێزگه‌هـ، رێڤه‌به‌ریێن گشتی و قایمقام ئیدی نه‌ ل سەر بنه‌مایێ شیان و دڵسۆزیێ دهێنه‌ دیاركرن، به‌لكو وه‌ك مزایده ده‌رئێخستنه‌كێ (مزاد علني) كێ زێده‌تر دا پارا پێ ددت  ئه‌و دێ پۆستی كڕیت.
​ئه‌نجامێ ڤێ بازرگانیێ چیه‌ دێ دزی و گه نده لی بن.
ئه‌و كه‌سێ پۆسته‌كی ب ملیۆنان دیناران دكڕیت، دێ هه‌می هێزا خۆ مه‌زێخت بۆ كۆمكرنه‌ڤه‌یا ئه‌وی پاره‌یی ژ كیسێ خه لکێ هه ژار ده مێ پوستێ ، ناحیه‌ و هه رێمدار پارێزگه و وه زیر بهێته کرین . ل ڤێ ده‌رێ یه‌ كو مافێ وه‌لاتیێ هه‌ژار بنپێ دبیت و پرۆژه‌ دبنه‌ مه ره م بو دزینا سه رو سامانێ وه لاتی .؟

​پاشه روژه کا مه ترسیدار روی ب روی  عێراق و کوردستانێ ژی دێ ڤه گریت
​ئه‌ڤ دۆخه‌ وه‌سا ل عێراقێ كریه‌ كو روژ بۆ روژێ رێژه‌یا هه‌ژاریێ زێده‌تر لێ بهێت. چه‌ند سامان زێده‌ ببیت، هه‌ژاری ژی د ناڤ خه‌لكێ سادە دا كوورتر دبیت، چونكی پاره‌ دچیتە د به‌ریكێن ده‌سه‌لاتداراندا و خه‌م و نه‌هامه‌تی دمینن بۆ ملله‌تی. عێراق پێدڤی ب شۆڕشه‌كا ڕاسته‌قینه‌ یا چاكسازیێ و دادپه‌روەریێ یه‌، دا كو ئه‌ڤ بازنه‌یا گه‌نده‌ڵیێ بهێته‌ شكاندن و نیشتمان بزڤڕیته‌ بۆ خودانێن وێ یێن ڕاسته‌قینه‌…..؟