لەیلا قاسم، بووکا کوردستانێ و سیمبولێ قەهرەمانییە
لەیلا قاسم:
لەیلا قاسم: بووکا کوردستانێ و سیمبولێ قەهرەمانیێلەیلا قاسم، ئەو کچا کوردا خودان باوەڕ بوو کو ب ئازایەتیا خۆ هەمی سنوورێن ترسا شکاندن و ناڤێ خۆ ب پیتێن زێڕین د مێژووا بزاڤا رزگاریخوازییا کوردستانێ دا تۆمار کر. ئەو نەک ب تنێ تێکۆشەرەک بوو، بەلکو بوو نموونەیا ژنا کورد یا خودان دۆز و ئیرادە.
ژیان و دەستپێکا خەباتێ
لەیلا قاسم ل سالا 1952ێ ل گوندێ بامیان ل نێزیک خانەقین ژ دایک بوویە. ژ زارۆکینیا خۆ دا ب هەستەکێ نەتەوەیی یێ بلند مەزن بوو. دەمێ ل زانکۆیا بەغدا دخواند، ل وی دەمی ژی دەست ژ خەباتا سیاسی بەرنەدا و دگەل هەڤالێن خۆ کار بۆ بلندکرنا دەنگێ مللەتێ خۆ دکر.
ئیرادە ل هەمبەر سێدارێ
دەمێ ل نیسانا 1974ێ ژ لایێ رژێما بەعس ڤە هاتە دەستەسەرکرن، لەیلا قاسمێ ب چ رەنگان سەرێ خۆ بۆ زۆرداریێ نەچەماند. وێ ب ئازایەتی بەرسڤا ئەشکەنجەدانێن وان ددا و د گۆتنا خۆ یا بناڤودەنگ دا گۆت: “ئەگەر ئەز بمرم ژی، دێ ب هزاران کوردێن دی ل دووڤ من پەیدا بن.”
ل رۆژا 12ی ئایارا 1974ێ، لەیلا قاسم وەک ئێکەم ژن ل ئیراقێ ژبەر ئەگەرێن سیاسی هاتە سێدارەدان. وێ ب جلی کوردی و ب روویەکێ گەش ڤە بەرەڤ سێدارێ چوو، وەک بێژی بەرەڤ دەوات و کەیفخۆشیێ دچیت.
بەهایێ لەیلا قاسم د مێژوویێ دا
لەیلا قاسم ب شەهیدبوونا خۆ سەلماند کو ژنا کورد د خەباتا نەتەوەیی دا د رێزا پێشێ دایە. ئەو بوو مەشعلەک بۆ هەمی گەنج و ئازادیخوازان. هەتا ئەڤرۆ ژی، ناڤێ وێ ل سەرانسەری کوردستانێ ب رێز و حورمەت دهێتە برن و وەک “بووکا کوردستانێ” دهێتە ناسین.
بێریڤان خدر…
