ڕۆژی گرتن…زێیێ بادینان

رۆژی گرتن
یاخۆیایە کو ئیسلام یا لسەر پێنج ستوونا یا ھاتییە ئاڤاکرن ئەو ژی ئەڤەنە:١-ئێکتایا وئێکبوونا خودایەکی
بتنێ ،خودایەکێ بێ ھەڤال و بێ شریک.
٢-نڤێژ و نڤێژکرن رۆژێ پێنج جارا.٣-رۆژیگرتن .٤زەکات کو ئەو ژی ھندەک پارەنە دێ ژمالێ خودێ دایەتە دێ دەیە فەقیر و ھەژارا.٥-حەج ،کو ئەو کەسێ پێ چێببیت بچیتێ و وی ئەرکی لسەر خۆ راکەت و ئەدابکەت.
رۆژیگرتن رۆکنێ سێیێیە ژ رۆکنێن ئیسلامێ فەرزە لسەر ھەر موسلمانەکێ بالق کو چ ھێجەتێن رەوا یان عۆزر شەرعى نەبن ،دڤێت بگریت؟خودێ د قۆڕئانا پیرۆزدا دبێژیت (کتب عليكم الصيام كما كتب على الذين من قبلكم لعلكم تتقون )رۆژیگرتن نەبەس ئەوە دێ دەڤ و گەدێ خۆ ژ خوارن و ڤەخارنێ گری دچەند کاتژمێرێن دیارکریدا،نەخێر بەلکو رۆژیگرتن و مەبەستا وێ ژ ھندێ مەزنترە ،تۆ خۆ برسی و تێنی بکەی.درۆژیگرتنێدا دڤێت ھەمی گەودێ تە یێ بڕۆژی بیت (چاڤ،گۆھ،دەف،زمان،دەست،پێ،ھزر،حەتا مەژی ژی)ھەمی عيبادەتێن دی بۆ مرۆڤینە لێ بەس رۆژی بۆ خودێیە ،چونکی خودێ پاک و دلۆڤان دبێژیت رۆژی بۆ منە ئەزدێ ئەجرا وێ دەمە عەبدێ خۆ،کەواتە رۆژی نەبوومەیە بۆ خودێ یە ،ئەو خودایێ ھندە مەزن داخازێ ژمە بکەت رۆژیێ بۆ بگرین واتا وێ تشتەکێ مەزنێ تێدا ،دڤێت تە ب رۆژیا پاک و پاقژ و تەمییز بکەت گۆنەھێن تە ھەمیا ژێببەت ،تە بکەتە مرۆڤەکێ ژنوو ژدایکبووی و بێ گۆنەھ،دڤێت گەودێ تە (لاشێ)تەھەمیێ نووبکەتەڤە و تە ژ ئێش و نەخۆشیا پاقژ و سەلامەت بکەت و ماسۆلک و خەلایێن گەودێ تە ھەمیا پاقژ و بژوین و نووبکەتەڤە ،سەبرو ھەدارێ نیشا تە بدەت و تە فێری وانێن ژیانەکا سەخت و دژوار بکەت ،چونکی ھەمیگاڤا ژیان ھوسا یا بەرفرەھ پڕی خۆشی نابیت ،ژیان یاپڕی رۆژێن پڕی ئاستەنگ و دژوارینە دبیت بسەرتەدا بھێن.خودێ دڤێت برسێ نیشا تە بدەت دا تۆ ژی بزانی دەردێ برسێ چەندێ گرانە ،لڤێرە ئینسانییەتێ نیشا مرۆڤ ددەت داکو مرۆڤ بەس تەفشوویێ بەریکا خۆ نەبیت ،؟گرنگە ئینسانییەتێ بکەتە رێک و رێباز د ژیانا خۆدا .بدیتنا من یا ژ خڕا مەزنتر و گرنگتر ئەوە خودایێ ئەردو ئەسمانا ئەمرەکیل مرۆڤا دکەت و دبێژیتە مە رۆژیا بگرە و فەرزە لسەرتە دڤێت تۆ بگری بێی ھێرڤە وێڤە ،چاڤێ وی یێ لێ کا دێ ئەمرێ وی جێبەجێ کەی یان نەء!
چونکی دژیانا رۆژانەدا دێ کەڤیە بن گەلەک ئەمرا ،ڤێجا ئەگەر تۆ ئەمرێ خودێ جێبەجێ نەکەی دێ یێ عەبدا چەوا جێبەجێکەی،ژیان ھەمی سیستەمە داکوئەڤ سیستەمە تێک نەجیت و رێک و پێک برێڤە بچیت.ھەکە خودێ منەت ب رۆژیا و رۆژیگرتنا چ مرۆڤا نینە؟.ڤێجا وەرن دا رۆژیا بکەینە بنەمایێن ھندێ کو دلۆڤانیێ ب ئێک و دوو ببەین و حەژ ژ ئێک و دوو بکەین و دگەل ئێک و دوو دباربەربین و ھاریکاریا ئێک و دوو بکەین و بڤزۆ عينات و کەڕب و کینێ بن ئاخ بکەین لاپەڕێن جوان و سەرەدەریێن ساخلەم لگەل ئێکو دوو ڤەکەین و ئو چجارا وان لاپەڕێن جوان لسەر ئێک نەگرین.
زوھێر کورەمارکی