بارودۆخێ ئابوورییا کوردستانێ د چەند خالان دا:
بێوارحسێن زێباری، هەولێر :
ئابوورییا هەرێما کوردستانێ ب شێوەیەکێ سەرەکی پشتبەستنێ ل سەر کەرتێ نەفت و گازێ دکەت، لێ د چەند سالێن دوماهییێ دا هەول دهێنە دان بۆ هەمەجۆرکرنا ژێدەرێن داهاتی.
ئەڤە د وی دەمیدا دهێت کو کار بکەت بۆ باشترکرنا بارێ ئابوورییا کوردستانێ و ڕەوشا خەلکی و ڕزگارکرن ژ وان قەیران و کاودانین کەڤنە بەرامبەر حکومەت و خەلک ژی تووش دبیت.
ڕەوشا ئابوورییا کوردستانێ وەکی مە دایە دیارەکرن کو ژبلی کەرتێ نەفت و گازێ، پێدڤییە گرنگییەک زێدەتر د وارێن دیتر ژی بهێــــتە دان.
ل ڤێرە کورتەیا بارودۆخێ ئابوورییا کوردستانێ د چەند خالان دا:
١. کەرتی وزە (نەفت و گاز)
کەرتێ نەفت و گازێ د نوکە دا پتریا وەڵاتێن جیهانێ گرنگییەکا زۆر پێ دهێــــتە دان و بوویە ژێدەرەک سەرەکیێ ڕێڤەبڕنا بارێ ئابوورییا خەلکی، ئەڤە ستوونا سەرەکی یا ئابوورییا هەرێمێیە. پترییا داهاتێ حکومەتێ ژ فرۆتنا نەفتێ دهێت.
هەرچەندە کێشە ل سەر هەناردەکرنێ دگەل حکومەتا فیدرال یا عیراقێ هەبووینە، لێ هێشتا وەک ژێدەرێ ئێکێ یێ بودجەی دمینیت، و نوکە دا زێدەترگرنگی پێ هاتییە دان و وەکی بەرێ نەمایە و وەڵاتێن زڵهێز ژی هاتینە سەر خەت و بارێ وان باشتر بوویە ژ بەرێ.
دبیت ل سەر ڤی کەرتی دا هێژ وەکی ئاست و خواستا خەلک و بارێ ئابوورییێ نەهاتبییە دان و دخازن ڕێین زیدەتر بۆ چارەسەرکرنا وان گرفت و گرێیین مایی هاڵاویستی بهێنە چارەکرن.
٢. کەرتی چاندن و پیشەسازی:
دڤێ کابینی دا زێدەتر کار هاتییە کرن بۆ کەرتێ چاندن و پیسەسازیی و بوویە ئەگەر کو پشت پەستن ل سەر کەرتێ نەفتێ کێمتر ببیت، جەندەها کارگەهێن جودا جودا د وارێن جودا هاتینە ڤەکرن و مۆلەت پێ هاتییە دان بووینە ئەگەرێ پەیداکرنا دەلیڤێن کاری بۆ گەنجان.
حکومەتا هەرێمێ د نوکە دا گرنگییەکا زۆر ب ڤی کەرتی ددەت دا کو پشتبەستن ل سەر نەفتێ کێم ببیت:
هەناردەکرن: دەستپێکرنا هەناردەکرنا بەرهەمێن ناڤخۆیی (وەک هنار، هنگڤین و سێڤ) بۆ بازاڕێن جیهانی.
- کارگە: ئاڤاکرنا کارگەیێن چیمەنتۆ، ئاسن و خوارنێ بۆ دابینکرنا پێدۆڤییێن ناڤخۆ.
٣. گەشتوگوزار
کوردستان ب سەقایێ خۆ یێ فێنک و سروشتێ خۆ یێ جوان دهێتە نیاسین. ئەڤ کەرتە سالانە ب ملیۆنان گەشتیاران ژ ناڤەڕاست و باشوورێ عیراقێ و وەلاتێن دراوسێ رادکێشیت، کو دبیتە ئەگەرێ لێڤەگەڕەکا باش یا دارایی بۆ بازاڕی. و تایبەت د ڤێ کابینێ دا زێدەتر گرنگییەک زێدەتر دایە جهێن گەشتیاری و هژمارا سەردانگەران ژی زێدەبوویە.
٤. ئالۆزی و ئاستەنگ:
نەکو ئەم ڕەوشا ئابوورییا کوردستانێ ژ ڕێژ سەدێ ژ سەدێ بدەینیێ و بێ کێشە و ئاریشە نینە و ئەڤ چەندە ژی بیتە ئەگەرێ هندی خۆ وان ئالۆزیان ڤەشێرین بەڵکو ئابوورییا کوردستانێ بێی کێشە نینە، ژ گرنگترین ئاستەنگان:- پەیوەندی دگەل بەغدا: کێشەیێن بودجە و مووچەی کارتێکرنەکا راستەوخۆ ل سەر بازاڕی هەیە و تا نوکە ئەڤ کێشە نەهاتییە چارەکرن و هەر خەلک دبیتە قوربان.
- قەیرانێن دارایی: ب ئەگەرێ گوهۆڕینا بهایێ نەفتێ ل جیهانێ و زیدەتر ئاریشە بۆ دروست دبن.
| کەرت | رێژەیا پشتبەستنێ | دۆخێ نوکە |ئەڤەبوویە ئەگەر
| نەفت | بلند | د قۆناغا رێککەفتنێ دایە دگەل بەغدا | بەردەوام ئاریشە هەیە و زێدەتر دبیت و بەلێ نکە باشتر بوویە لێ دڤێت ئەڤ چەندە یا بەردەوام بیت.
| چاندن | مامناوەند | بەرەو پێشڤەچوونەکا باش دبینیت | لێ جوتیار دخازن زێدەتر کار بۆ وانا بهێتە کرن و هند دەڤەر ژی هاتنە پێشگوئێخستن.
| گەشتوگوزار | باش | گەشەکردنەکا بەردەوام هەیە | لێ وەک پیدڤی بوون ژ جهێن گەشتیاری ل گوڕەیی خواست و حەزا گەشتیارن کار نەهاتییەکرن ژ ڕووییێ ڕێ و موتێل و هوتێل و خارنگەه و سەخبێرکرن جهین وان و مانەڤا وان و چەندەها کارێن دیتر.
نڤیسەر و شارەزایی ئابووری.
