Skip to content
پشتى دووجاران كۆمبوونا سهرۆك وهزیرێ ئیراقێ و شاهێ ئوردنێ و سهرۆككۆمارێ مسرێ هاتیه پاشخستن، ئهڤرۆ دێ ل بهغدا كۆمبن.
مستەفا کازمی سەرۆک وەزیرێ ئیراقێ، بریاره ئهڤرۆ رۆژا ئێكشهمبى دگهل شا عەبدوللایێ دووێ شاهێ ئوردن و عەبدولفەتاح سیسیی سەرۆک كۆمارێ مسرێ ل بەغدا كۆمبن.
کازمی و شاهـ عەبدوللا و سیسی، دێ دانوستاندنێ ل دۆر پێشڤهچوونێن رۆژههلاتا ناڤهراست و بهێزكرنا پەیوەندیێن هەرسێ وهلاتان ئهنجام دهن.
دهسپێكێ بریار بوو كۆمبوون ل رۆژا 26 مهها ئادارا سالا 2021 ل بهغدا بهێته سازكرن بهلێ ب ئهگهرێ روودانهكا شهمهندهفرێ ل مسرێ كۆمبوون هاته پاش خستن، پاش بریار بوو ل رۆژا 8 مهها نیسانێ كۆمبوون ل بهغدا بهێته كرن، ب ئهگهرێ بزاڤێن کودەتا ژ ئالیێ هەمزە بن حوسێنی جارهكا دى كۆمبوون هاته پاش خستن.
