سەرۆکێ هەرێما کوردستانێ سوپاسییا کونسولێ گشتییێ چینێ کر

بەری نیڤرۆیا ئەڤرۆ سێشەمبێ 2026/9/29، ڕێزدار نێچیرڤان بارزانی، سەرۆکێ هەرێما کوردستانێ، ب بۆنەیا دوماهیهاتنا ئەرکێ وی وەک کونسولێ گشتییێ کۆمارا میللییا چینێ ل هەرێما کوردستانێ و ب مەبەستا ماڵئاڤاهیێ، پێشوازی ل ڕێزدار لیو جۆن کر.

د دیدارەکێ دا، ڕێزدار سەرۆکێ هەرێما کوردستانێ سوپاسییا بزاڤ و تێکۆشینا ڕێزدار لیو جۆنی کر ل پێناو پێشئێخستنا پەیوەندییێن چینێ دگەل هەرێما کوردستانێ د بوارێن جوداجودا دا، هەروەسا هیڤییا سەرکەفتنێ د ئەرکێ وی یێ نوو دا بۆ خواست.

ژ لایێ خۆ ڤە، کونسولێ گشتییێ چینێ سوپاسی و پێزانینێن خۆ بۆ سەرۆکایەتیێ و لایەنێن پەیوەندیدارێن هەرێما کوردستانێ دیارکرن بۆ وێ هاریکاری و پشتیوانییا د دەمێ کارکرنا وی دا پێشکێشی وی کری، هەروەسا جەخت ل سەر حەزا وەلاتێ خۆ بۆ بەردەوامیدان ب پێشئێخستنا پەیوەندییێن دووقۆلی کر.

بەحسکرنا دەرفەتێن بەرفرەهکرنا هاریکارییا هەڤپشک، تەوەرەکێ دی یێ دیدارێ بوو، کو تێدا ڕێزدار سەرۆکێ هەرێما کوردستانێ سوپاسییا وەلاتێ چینێ کر بۆ ڤەکرنا بەشێ کوردی ل زانکۆیا بەئیجینگ