زانکۆی سەلاحەدین بەشێکی نوێی کردۆتەوە
زانکۆی سەلاحەدین لەسەر ئاستی عێڕاق و کوردستان بەشێکی نوێی بەناوی گەشتوکاڵ کردۆتەوە و دەرچووانی پۆلی ١٢ دەتوانن داواکاری پێشکەش بکەن.
“ د.سامان عەبدوڵلا “ بەڕێوەبەری ڕاگەیاندنی زانکۆی سەلاحەدین ڕایگەیاند زانکۆی سەلاحەدین لەسەر ئاستی عێڕاق و کوردستان بەشێکی نوێی بەناوی گەشتوکاڵ کردۆتەوە و دەرچووانی پۆلی ١٢ دەتوانن داواکاری پێشکەش بکەن.
چەمکی گەشتوکاڵ لە جیهانی ئەمڕۆدا ئابووری سەوز (Green Economy) بووەتە ئاڕاستەی بنەڕەتیی وڵاتان:
بەشی گەشتوکاڵ ( Department of AgriTourism) لە زانکۆی سەلاحەدین – هەولێر، وەک یەکەمین بەشی پسپۆڕیی لەسەر ئاستی هەرێمی کوردستان و عێراق، بۆ پڕکردنەوەی پێداویستییەکی گرنگی ئابووری و زانستی کراوەتەوە.
ئامانجمان ناوبەندکردنی زانستەکانی ئەندازیاری کشتوکاڵ، گەشتوگوزاری ژینگەیی (Ecotourism) و پاراستنی سەرچاوە سروشتییەکانە بۆ ڕەخساندنی دەروازەیەکی نوێی گەشەپێدان.
١. ئەزموونی جیهانی و ستانداری ئەکادیمی:
ئەم بەشە ئەزموونێکی بەناوبانگی نێودەوڵەتییە؛ لە وڵاتانی وڵاتانی پێشەنگی وەک ئیتاڵیا (University of Bologna)، هۆڵەندا (Wageningen)، و ئەمریکا (UC Davis) خاوەنی ساڵانێک لە خوێندنی ئەکادیمییە و ئابووری گوندەکانی پێ بوژێنراوەتەوە. ئێمە خوێندنەکەمان بە سیستەمی ئەوروپی Bologna Process و بە 240 ECTS داڕشتووە. وانەکان ڕەهەندێکی هاوچەرخیان هەیە و تەکنەلۆژیای بوشایی وەک سیستەمی زانیاریی جوگرافی (GIS)، فڕۆکەی بێفڕۆکەوان (Drones) و مەشقی بەکردار لە کێڵگەی گردەڕەشە دەگرێتەوە.
١. ئایندهی پیشەیی و بازارکاری:
دەرچووان لە یەک کاتدا نازناوی فەرمیی «ئەندازیاری کشتوکاڵی / بەڕێوەبەری گەشتوگوزار» بەدەستدەهێنن. ئەم بڕوانامە تێکەڵەیەکە وا دەکات دەرچوو شایستەی کارکردن بێت لە کەرتی گشتی (وەزارەتی کشتوکاڵ و سەرچاوەکانی ئاو، دەستەی گشتی گەشتوگوزار، دەستەی ژینگە) و لە کەرتی تایبەتش لە پڕۆژەکانی Agro-Parks، هاوینەهەوارە ژینگەیییەکان (Eco-Lodges) و دامەزراندنی پڕۆژەی سەربەخۆی خۆیان.
١. زانکۆلاین و ئاسانکارییەکان بۆ پۆلی ١٢: بۆ قوتابیانی پۆلی ١٢ی لقی زانستی، ئەم بەشە دەرفەتێکی زێڕینە؛ وەرگرتن ڕاستەوخۆ لە ڕێگەی زانکۆلاین دەبێت، خوێندن تەواو خۆڕاییە (Free)، و کۆنمرەیەکی گونجاو و کێبڕکێکار داوا دەکرێت. جگە لەوەش بەشە ناوخۆیی و ئاسانکاری تەواو بۆ قوتابیانی دەرەوەی شاری هەولێر دابیندەکرێت، سەرەڕای ئەمەش بۆ دەرچووانی ئامادەیی کشتوکاڵ و پەیمانگا تەکنیکیە کشتوکاڵییەکان دەتوانن لە بەرواری ٢٠ی٨ی ٢٠٢٦ تاوەکو ١٠ی هی ٢٠٢٦ فۆرمی ڕاستەوخۆ وەربگرن بۆ پێشکەشکردنی بەشە زانستیە کشتوکاڵیەکان وەربگرن لەناو ئەوانیش بەشی گەشتوکاڵ.
