پەیامەک ژ مەکتەبا ڕێکخستنا پ.د.ک

مەکتەبا ڕێکخستنا پ.د.ک ل بەهدینان بۆ کۆچا داویێ یا شێخ( عەبدولواحد ئیبراھیم عبدولسەلام) پەیامەکا بەھیداریێ ئاراستەی جەنابێ سەرۆک مەسعود بارزانی دکەت

ب ناڤێ خودایێ مەزن و دلۆڤان
(يَا أَيَّتُهَا النَّفْسُ الْمُطْمَئِنَّةُ ارْجِعِي إِلَىٰ رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي)

جەنابێ سەرۆک مەسعود بارزانی
ب دلەکێ پر ب خەم و رازیبوون ب قەدەرا خودایێ مەزن، نووچەیێ کۆچا دوماهیێ یێ کەسایەتیێ دیارێ بنەمالا وە یا تێکۆشەر، خودێ ژێ ڕازی شێخ (عەبدولواحد ئیبراهیم عەبدولسەلام بارزانی) و
نەڤیێ ڕێبەرێ نیشتمانی و ئایینی، شێخ عەبدولسەلام بارزانی گەھشتەمە.
شێخ عەبدولواحد نموونەیا دینداری، خوداپەرستی، چاکخوازی و ڕەوشتبەرزیێ بوو. کۆچا وی زیانەکا مەزنە بۆ ھەموو لایەکئ.
ب ڤێ ھەلکەفتا خەمگین، ب ناڤێ مەکتەبا ڕێکخستنا پارتی دیموکراتی کوردستان ل بەهدینان و تەڤایا کادیر و ئەندام و جەماوەرێ پارتی ل دەڤەرێ، سەرەخۆشیێن کوور و هاوخەمییا خۆ ئاراستەی جەنابێ ھەوە و بنەمالا وە یا سەربلند و هەمی کەس و کارێن خودێ ژێ ڕازی دکەین. لاڤا ژ خودایێ دلۆڤان دکەین ڕۆحا پاک یا خودێ ژێ ڕازی بێخێتە بن سێبەرا دلۆڤانیا خۆ و ب بەهەشتا بەرین شاد بکەت، و سەبر و هەدارێ ب جەنابێ وە و هەمیا بنەمالا ھەوە یا تێکۆشەر ببەخشیت.
إِنَّا لِلَّهِ وَإِنَّا إِلَيْهِ رَاجِعُونَ
مەکتەبا ڕێکخستنا پارتی دیموکراتی کوردستان – بەهدینان
4ێ ئەیلوولا 2026ێ