هزرکرنەک لدور بابەتێ دەجالی فیتنە د ناڤبەرا ڕووهناهی و تاریاتیێ دا
زەنون سلێڤانەی ـ زاخو
هزرکرن لدور بابەتێ هاتنا دەجالی و ئاماژەیێن وی، پتر ژ کو ئامرازەک بیت بۆ ترسانندنێ، ڕامانەکا کورا و فەلسەفییە لدور تاقیکرنا مرۆڤاهیێ د قۆناغێن هەرە شێواو و مەترسیدار دا. دەجال ل ناڤ هزرا ئایینی و گشتی دا، نهێنیەکا مەزنە ژ تاقیکرن و سەر شێواندنا مرۆڤی؛ ئەو نە بتنێ کەسایەتیەکە ب هەبوونا خۆ یا فیزیکی، ،
ەلكو هێمايە بۆ تێك هەلوەشاندنا ڕاستییان، تێکەلکرنا ڕاستی و درۆڤانەیێ، و ژناڤبرنا سنۆرێن ناڤبەرا سپی و ڕەش دا.
ئەڤرۆ، د جیهانا کو مفا ژ تەکنۆلۆژیایێ و خێرابوونا زانیارییان وەرگرتی، هندەک ژ هەڵسەنگاندنان هزر دکەن کو دەجال دبە نەک بتنێ تاکەکەسەك ،
بەلكو سیستەمەکە ژ فیتنە و سەر شێواندنێ کو مرۆڤی ژ بنەمایێن ڕووحانی و ڤیانێ دوور دکەت. هەر دەمێ کو کێمی، برسیبوونا ڕووحانی، و نادادپەروەری زێدە ببن، مروڤ ب ئاسانی دکەڤنە بن کاریگەرییا وێنەیێن چەوت و بانگەشەیێن درۆن، یێن کو درۆیەکی د ڕووپۆشێ ڕاستیێ دا پێشکێش دکەن.
ژ بەر ڤێ یەکێ، گوتن و هزرکرن ل دور دەجالی، هشیارکرنەکە بۆ هۆشیارییا مرۆڤی؛ کۆ ڤەکۆلین و هزرکرن د گەوهەرێ باوەریێ دا، وپاراستنا پەیوەندییا مروڤی ب بەهاکێن مرۆڤایەتی و ئەخلاقی و خودایی ڤە، تنێ ڕێکا پاراستنێ یە ل بەرانبەر هەر فیتنەکا مەزن، بلا د هەر بەرگ و شێوەیەکی دا خۆ دیار بکەت.
