بۆ / وەزیرێ پەروەردێ یێ حکومەتا هەرێما کوردستانێ زۆر بەرێز
بۆ / وەزیرێ پەروەردێ یێ حکومەتا هەرێما کوردستانێ زۆر بەرێز
بابەت / داخوازیا پێداچوونێ و بلەزکرنا ئەنجامێن نەڕازیبوونێ (اعتراض) یێن قوتابیان
سڵاڤ و ڕێز…
ئەم وەک (پەروەردەکار ، مامۆستا ، دایک و بابێن قوتابیان)، ب رێکا ڤێ نڤیسارێ خەمخۆری و دلگرانییا خۆ ئاراستەی جەنابێ وە دکەین ل دۆر پرۆسێسا اعتراضێن قوتابیان ل سەر ئەنجامێن ئەزموونان. وەک دیار، هژمارەکا زۆرا قوتابیان ب ئومێدا بدەستڤەئینانا مافێن خۆ، اعتراض پێشکێشکرینە، لێ مخابن هندەک تێبینی و ئاستەنگ دروست بووینە کو پێدڤی ب دەستێوەردانا جەنابێ وە هەیە:
١. درەنگکەفتنا بەرسڤان: هەتا نوکە چ کارەکێ جدی یان بەرسڤەکا روون بۆ قوتابیان نەهاتییە دان، ئەڤ چەندە بوویە ئەگەرێ دروستبوونا دڵەڕاوکێ و ترسێ ل دەف قوتابیان و
خێزانێن وان، و کارتێکرنەکا نەرێنی ل سەر بەردەوامیا وان د پرۆسێسا خویندنێ دا کرییە.
٢. تێچوویێ دارایی: سەبارەت ب وێ کۆژمێ پارەیێ بۆ هەر اعتراضەکێ دهێتە وەرگرتن، ئەڤە بارگرانییەکا دی یە ل سەر ملێ خێزانان، ب تایبەت دەما بەرسڤ و ئەنجام ب دروستی و د دەمێ خۆ دا دیار نەبن.
٣. پاشەڕۆژا زانستی: ئەڤ راوەستان و دیارنەبوونا ئەنجامان، دبیتە ئەگەرێ وندابوونا دەلیڤەیێن خویندنێ و پاشکەفتنا نەوەیەکێ د پاشەڕۆژا وان یا زانستی دا.
لەورا، داخوازێ ژ جەنابێ وە یێ هێژا دکەین کو:
- فەرمانەکا بەپەلە ئاراستەی لژنەیێن پەیوەندیدار بکەن بۆ پێداچوونا هویر و خێرا
دەفتەرێن ئەزموونان. - دەمەکێ دەستنیشانکری و نێزیک بۆ ڕاگەهاندنا ئەنجامێن اعتراضان بهێتە دیارکرن.
- پرۆسێس ب شەفافیەتەکا تەمام بڕێڤە بچیت دا کو چ قوتابی هەست ب زۆرداریێ نەکەت.
ئومێدەوارین ئەڤ داخوازیا مە ب دڵسۆزی و گرنگی ڤە بهێتە وەرگرتن، ژ پێخەمەت
پاراستنا مافێن قوتابیان و بەرژەوەندییا گشتی یا پەروەردێ.
دگەل ڕێز و پێزانینان…
پێشکێشکارێ داخوازیێ: ئەڤین عومەر عەلی هالو
ناونیشان: مامۆستا / ڕێڤەبەرا قوتابخانێ
رێکەفت: ٦ / ٧ / ٢٠٢٦
