شەش: ئادابێن خۆ شوشتنێ (غوسلێ)
١. ئنیەت: مرۆڤ ئنیەتێ د دلێ خۆ دا بینیت کو ئەڤە غوسلا جەنابەتێ یە یان غوسلا ئەینیێ یە.
٢. شویشتنا دەستان: ل دەستپێکێ سێ جاران دەستێن خۆ بشووت. (وەکی د غوسلا پێغەمبەری دا ﷺ هاتیە ژ کیسێ عائیشایێ -خودێ ژێ رازی-)، (متفق علیە، البخاري: ٢٤٨).
٣. شویشتنا عەورەتی: بەری دەستنڤێژێ و ئاڤ ل خۆ کرنێ، جهێ پیساتیێ و عەورەتی ب دەستێ چەپێ بشووت.
٤. دەستنڤێژگرتن: ئەنجامدانا دەستنڤێژەکا تەمام (وەکی یا نڤێژێ) بەری ئاڤێ ل لەشێ خۆ بکەت.
(عائیشا -خودێ ژێ رازی- دبێژیت: پاشی دەستنڤێژ دگرت وەکی دەستنڤێژا نڤێژێ)، (رواە البخاري: ٢٤٨).
٥. ئاڤێ بکەیە دناڤ پرچێ: دڤێت ئاڤ بگەهیتە بنێ پرچێ ( بۆ زەڵامان و ئافرەتان)، و ب تبلان تەڕ بکەت.
٦. ئاڤ ل سەرێ خۆ کرن: سێ جاران ئاڤێ ل سەرێ خۆ بکەت هەتا پشتڕاست بیت تەڕ بوویە.
٧. دەستپێکرن ب لایێ راستێ: ئاڤێ ل لایێ راستێ یێ لەشی بکەت، پاشی ل لایێ چەپێ.
(عائیشا -خودێ ژێ رازی- دبێژیت: پێغەمبەری ﷺ حەز ژ دەستپێکرنا ب راستێ دکر د خۆشویشتنا خۆ دا…)، (رواە البخاري: ١٦٨).
٨. بکارئینانا سابین و تشتێن پاقژکەر: ژ بۆ باشتر پاقژبوون و لادانا بێهنا نەخۆش (ب تایبەت پشتی زڤڕۆکا هەیڤانە بۆ ئافرەتان).
٩. خۆ ڤەشارتن: نابیت مرۆڤ ل بەر چاڤێن خەلکی رویس خۆ بشووت. پێغەمبەر (ﷺ) د بێژیت: ((إِنَّ اللَّهَ عَزَّ وَجَلَّ حَيِيٌّ سِتِّيرٌ يُحِبُّ الْحَيَاءَ وَالسَّتْرَ، فَإِذَا اغْتَسَلَ أَحَدُكُمْ فَلْيَسْتَتِرْ))، (رواە أبو داود: ٤٠١٢، وصححە الألباني).
١٠. نەکرنا ئیسرافێ: ناچێبیت خۆ ل غوسلێ ژی مرۆڤ ئاڤێ زێدە مەزێخیت. (پێغەمبەر ﷺ ب (صاع)ـەکی -چار مەد- خۆ د شویشت)، (متفق علیە).
١١. ژێڤەکرنا تشتێ ببیتە ڕێگر بۆ ئاڤێ: دڤێت د غوسلێ دا ئاڤ بگەهیتە هەمی پیستی، لەورا دڤێت تشتێن وەکی هەڤیر، بویاغ، بویاغا نینوکان، یان هەر تشتەکێ رێگر ل سەر پیستی نەهێلیت.
