دڤێت ڕێزێ ل وان شیره‌تان بگرین یێن دەیباب یان کەسەکێ مەزنتر ژ مە ل مه دكەن
ڕێزگرتنا دەیبابان
ئەگەر ئەم خواندنەکێ بۆ ڕێزگرتنێ بکەین كو ئێک ژ سالۆخەتێن مرۆڤایەتییه و مرۆڤبوون ژی دڤێت ھندەک بنەما و ساخلەتێن ھەژی ڕێزگرتنێ ھەبن، لێ یا مە دڤێت پتر تیشکێ بێخینە سەر ڕێزگرتنا دەیبابان ئەوە كو دڤێت مرۆڤ ل گۆرەیی وان شیره‌ت و وان ڕێیێن ھەی بەحس بکەین بۆ زارۆکان، دڤێت وان دابونەریتێن خێزانی نەشکێنیت و ھەردەم ژی پێگیر بیت، خودایێ مەزن دبێژیت: (وَبِالْوَالِدَيْنِ إِحْسَانًا).
ڕامانا ڤێ چه‌ندێ ئەوە كو دڤێت ئەم ھەردەم د گەل دەیبابێن خۆ (باش بین و گوهدار بین)، نە کو د گەل وان ھەڤدژ بین و ئەو ھەر تشتێ بۆ مە بەحس بکەن ئەوا ئەم ب تنێ گوھدار بین نە کو جێبەجێکار بین.
دڤێت ئه‌م ھەردەم گوھدارێن دەیبابان بین و بەردەوام ل دووڤ وان گۆتن و ئاخڤتنێن وان بین و ب گرنگ وەربگرین، نە کو ل دووڤ سەرێ خۆ بچین، ھەردەم ئەم ب ڕێز دووڤ وان بنەما و پێنگاڤێن ئەو ڕۆژانە بۆ مە دەنە دیار کرن بچین، چ بۆ کارێن مە یێن ڕۆژانە بیت یان ژی بۆ تێکەلییا د گەل ھەڤال و جادەیان بیت، گرنک ئەوە كو ئەوا دڤێت ئەم بجھ بینین و نابیت دوور بکەڤین ژی ژ وان ساخلەتێن وان.
دیسا ژی پێغەمبەرێ مه (سلاڤێن خودێ ل سەر بن) گۆتییە و بەحس ل ڕۆلێ دەیبابان کرییە و چاوا د قورئانێدا ژی گه‌له‌ك ب هووری و گرنگی دایە ڕۆل و گوھدارییا وان، وەسا دڤێت ئەم ژی ل سەر وان بابه‌تێن ئەو بۆ مە ددەنە دیار کرن بچین و گرنگییێ بده‌ینێ، دڤێت ئەم وان خالان ب بەرچاڤ وەربگرین و گه‌له‌ك ب گرنگی ژی دووڤ بچین، ئەوا پێغەمبەری گۆتی: (ليس منا مَنْ لَمْ يَرْحَمْ صغيرنا ويوَقِّرْ كبيرنا).
ڕامانا ڤێ ئەوە: (ئەگەر ڕێز ل مەزنان نەھێتە گرتن و دلۆڤانییێ ژی ل یێن بچووک نەگریت، ئەو ژ مە نینە). ئەڤە ڕامانا ھندێ ددەت کو دڤێت بەردەوام ل ڤێ ژیانا ھند یا کورت کو د ژییێ خۆدا دڤێت بەردەوام ئەم سنۆرێن خۆ بزانین و ڕێزگرتن ژی گه‌له‌ك یا گرنگە و دڤێت ڕێزگرتن ھەبیت بۆ ئێكودو و نابیت بێڕێزییا د گەل ئێک بکەین.
دڤێت ڕێزێ ل وان شیره‌تان بگرین یێن دەیباب یان کەسەکێ مەزنتر ژ مە ل مه دكەن و ئەو ڕاستییەکێ نیشامە ددەن د ژیانێ دا و دڤێت مە ئاگەھ ژ خۆ ھەبیت بۆ پتر بۆراندنا ژیانەکا ته‌ناتر.
ڕێزگرتن پێدڤییەکا گه‌له‌ك گرنگە و ھەستەکێ جوانە، بھایێ ڕەوشت و ڕەفتارێن پەروەردە و شارستانییەتەکا گرنگ و بلنده، ئێکە ژ ساخلەتێن جوان و بلند یێن مرۆڤی، دیسا ژی ئێکە ژ بنەمایێن سەرەکی و سەرکەفتی، کلیلا تەناھییێ و پێکڤەژیانێ و ڤیانێ و بەختەوەرییێیە.
ڕێزگرتن و ڕێزنەگرتن ژی چەندین شێواز و بنەمایێن سەرەکی ھەنە و دڤێت ھەر حال دەیباب ژی ڕێزی ل زارۆکێن خۆ بگرن.
لێ ئەگەر ھاتوو ڕێز ل وانان نەھاتە گرتن (ئەو ل وی دەمی ئەو زارۆک ژی وەک کەسەکێ پشگوهـئێخستی دھێـە هه‌ژمارتن و دیسا ژی وەک کەسەکێ ترسنۆک دھێتە قەلەم دان و ھەر دەمێ ڕێز ل وی نەھاتە گرتن، ئەو ھزرا ھندێ دکەت كو تۆلا خۆ ژ کەسەکی ڤه‌كەت کو دلی وی یێ توند دژواره.
ھەر دەمێ ڕێزگرتن بۆ زارۆکی یان کەسەکی نەبیت، ئەو ل وی دەمی ئەو ھەستوسۆز نامینيت و ھزر د کارێن خرابتردا دکەتن.
