شاندەكێ چارچووڤێ هەماهەنگییێ دێ سەرەدانا هەولێرێ كەت و دێ ل گەل سەرۆک بارزانی کۆم بن

بەرپرسەكێ رێکخراوا بەدر ئاشکرا كر” ئەڤرۆ شاندەكێ بلندێ چارچووزڤێ هەماهەنگییێ دێ سەرەدانا هەولێرێ کەن و بۆ ئێکلاییکرنا پۆستێ سەرۆککۆماری، ل گەل سەرۆک مەسعود بارزانی دێ کۆم بن.

ئەبو میساق مەساری، ئەندامێ مەکتەبا سیاسییا رێکخراوا بەدر ب سەرۆکاتییا هادی عامری دیار كر، بڕیارە ئەڤڕۆ شاندەكێ چارچووڤێ هەماهەنگییێ بگەهتە هەولێرێ.

ئەو شاندە پێکهاتییە ژ(هادی عامری، محەمەد شیاع سوودانی و محسن مەندەلاوی)، بڕیارە ل گەل سەرۆک مەسعود بارزانی کۆم ببن.

ئارمانجا سەرەکی یا وی شاندی، رێککەفتنا ناڤمالا کوردییە ل سەر بەربژارەكێ هەڤپشك بۆ پۆستێ سەرۆککۆمارێ عێراقێ.