کەرکووك دناڤبەرا چاڤەڕیێ وقوربانیدانێدا

ناجح بێجانی

پاشەڕۆژا کەرکووکێ بەرەف کیڤە ؟
ئایە کەرکووک کوردستانی یە ؟ یانژی کی بهێزە ئەو دەستهەلاتدارە، لێ ڕاستیەک د ژی یا هەی،ژ گۆتنەکا سەرکردەیێ شەهید ( سامی عبدولڕەحمان ) دەستپێبکم گۆت : دەما سالا ١٩٩١ێ دانوستاندن دناڤبەرا بەرەی کوردستانی و حوکمەتا ئێراقی هەبوون، پتریا کۆمبوونێێن مە ل سەر کەرکووکێ و ئیدارەدانێ وێ بوون، د ئەنجامدا رۆژەکێ خودێ ژێ ڕازی ( تارق عەزیزی ) گۆتە مە : یا ڕاستی وە بڤێت کەرکووک نە یامەیەو نەیاوەیە، بەلکو یا ( ئەمریکا) یە هەگەر بڤێت سوبەهی دێ دەینە هەوە، ئەڤجا باشترە ئەم پێکبهێن بابەتێ کەرکووکێ بلا بمینی هەلاویستی و بەردەوامییێ بدەینە دانوستاندنێ ئاریشەیێن خوە چارەسەربکن ئەڤ چەندە کو بوویە هوکار نەگەهینە چۆ ئەنجامان، ئانکو یا دورست هەتا نووکە کوردان ب سەرڤە دەست ژ کەرکووکێ بەرنەداینە ولێ دکەتواردا ب رەنگەکێ دی بەرسڤا مە ددەت؟ ئەم دبینن پاشەڕۆژا کەرکووکێ نە یا زەلالە ،کەرکووک وەکو پارێزگەهـ پێکدهێت ژ نەتەوەوئایین ومەزهەبێن جودا، ئەم دشێن بێژن وەکو دەولەتەکا بچووک و فرە نەتەوە و زمان وکەلتووریێن جودا هەنە،هەموو پێکڤە دژین مرۆڤ نەشێت ئینکارێ بکن بێ ئالۆزی و کێشە بیت,لێ دیسان ئێکدوو قەبوول دکن هەر ئێک ژوان ژی دبێژن: کەرکووک باژێرێ مەیە و بێکو ڤەگەریین دیرۆکێ، کا چاوا دیموگرافیەتا کەرکووکێ ودەوروبەریێن وێ هاتییە تێکدان ؟ ئەڤ خەلکە چاوا هاتینە کەرکووکێ؟ ژبلی کوردان،بلا ئەڤ مژارە بۆ کەسێن شارەزا بیت یێن ل سە ر مێژووێ دنڤیسین دێ خۆیا بیت کا یا کێ یە ؟ ، کەرکووک وەکو ئاخ کوردستانی یە دناڤ سنۆرێ کوردستانێ دا یە ڕژێمێن ئیراقی و دەولەتێن هەڕێمایەتی و زلهێزیێن جیهانێ هەر تم ڤیایە ئاریشەو ناکوکێن کەرکووکێ بمینن هەلاویستی داکو مایتێکرنێ بکن ژ بەرکو جیۆپۆلتیکا وێ گرنگییا خوە یا هەی ب تایبەت هەبوونا کانزایێن سرۆشتی وەکو نەفتێ تەماعییا دەولەتێن هەفسۆیێن مە دیارە ل سەر رەوشا کەرکووکێ و حوکمەتێن ئیراقێ ژی بێ دەستهەلاتێن ل گورەی دەستوورێ ئیراقێ ل دویف مادەیا (١٤٠) دڤییا با کەرکووک بهيتە ئێکلایکرن و خەلکێ وێ یێ رەسەن بریارێ بدەن، کا سەر ب هەڕێمێ ڤە بن،یان حکومەتا بەغدا،هەگەر ژلاییێ سیاسی ونەتەوەیی ڤە بەحس بکن پارتی دیمۆکراتی کوردستان پترین قوربانی داینە وەکو بزاڤا ئازادیخوازیا کوردستانێ و بسەرکێشییا ( بارزانییێ ) نەمر دێ خۆیا بیت ژ پێخمەت کەرکووکێ یاکو ب دلێ کوردستانێ ناڤکری،لێ ب مخابنی ڤە ئەوا ئەڤرۆ چارەنڤێسێ کەرکووکێ وخەلکێ وێ ب هندەک پوستێن بێ سەروبەرو قازانجا کوردان تێدا نینە وب سەفەقاتێن ژێڕ بژێر و خەلکێ وێ وئاخا کوردستانێ ب ئەرازی دهێتە فرۆتێن هەژی ئەڤا چەندێ نەبوون یادورست دڤیا با خزمەتا خەلکێ کەرکووکێ بکن ژبن زۆلم وستەمێ رزگار ببن و ئاخفتنەک کوردی هەیە دبێژن : هەگەر جارەکێ تۆ شاشی کر و دوبارە بۆ ئەو تۆ خەتەباری، خەلکێ کەرکووکێ ب تایبەتی دڤێتن دوبارە شاشیان نەکن، ژ لایەکێ دیڤە هەستا نەتەوەیی بەرەف لاوازبوونێ یە ژ بەر هۆکاریێن نە ئێکڕیزییا کوردان ب تایبەت دەڤەریێن ژ دەرڤەی هەڕێما کوردستانێ دناڤبەرا کوردان ب خوە بووینە ئاریشەو ئەوا دهێتە چاڤەڕێکرن نەد قازانجا کوردان دایە، هێدی هێدی ئەڤ دەڤەرە یێن دبن (ئەمر واقع)لایەنیێن سیاسیێن کوردی ژی موژویلی شکاندنا ئێکدوونە و دوژمنێن مە ژی ب پلان ول سەر خوە هەم ئیدارەو ئاخ ژی دێ بیتە مولکێ وان و خەلکێ وان دەڤەران مەجبۆرین دگەلدا بژین، پسیارا جەوهەری ئەڤەیە، بۆچی تورکمان عەرەب وئاشووری بشێن بەرەیەکێ دورست بکن بەرانبەر کوردان ، ب تنێ مەرەما وان کوردان لاواز بکن، باشە دەما ئەم دیرۆکێ دخوینن گەلەک جاران ژ بەر نە ئێکڕزییا کوردان مرۆڤ نەفرەتان دبارینت کو بووینە هوکاریێن نە ئێکڕزییێ ومالوێرانییێ و هەتا ئەنفال وجینۆساید ب سەرداهاتن و هێشتا وەکو کورد بوومە نە بووینە دەرس عیبرەت و ب تایبەت خەلکێ کەرکووکێ پشتی ئەنفال ودەربەدەرییێ وەخت نە هاتیە هوون ب خوە چارەنڤێسە خوە دیاربکن خاکفروشان سزابدەن و هەگەر نە باوەر بکن ڕۆژەک دهێتن زارۆکێن هەوە کو مافێ هندێ نابیت ئێدی نەشێن ب زمانێ دایکا ب ئاخڤین، کاچاوا بەری نووکە ل بن سیبەرا ئالایێ کوردستانێ ب ئازدای دژیان و ئەڤرۆکە ب ترس و شەرمیانە ل هندەک جهێ دهيتە بلندکرن ،ل دووماهێکێ د ب ئاخفتنا بارزانێیێ باب ڤەگێرم دەما فەرمووی هەگەر وە بڤێت بزانت کا کەرکووک کوردستانە یان نە وەرن ب تنێ گورستانێ وەک میناک ب بینن کا مریێن کێ زێدەترن،هینگێ دێ دیار بیت کوردستانییا کەرکووکێ.