ڕاستیا ئیسلامێ ڕێزگرتنە نەک بێرێزییە…!
نورا جعفر شیمؤ
موسلمانیا دروست د ئاخفتن و ڕەوشتێ جوان دا دیار دبیت ئەو کەسێن گوتارێن بێڕێزیێ بەرامبەر ئایین و باوەرێن دی بەلاڤ دکەن نوێنەرایەتیا ئیسلامێ ناکەن و ناهێنە هەژمارتن وەک مامۆستایێن ئاینی ، چونکی د چ پەرتووکەکا ئاینی دا بێڕێزیکرن ب ئاینێن دی ناهێتە قەبولکرن .
بەلکۆ بەروڤاژی خودايێ مەزن د قورئانا پیرۆز دا ڕاستەوخۆ فەرمانێ ددەت کۆ ڕێز ل پیرۆزیێن خەڵکێ دی بهێتە گرتن و بێڕێزی بەرامبەر نەهێتە کرن ، هەر وەکی دبێژیت «وَلا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ» .
ئیسلامێ ئەم فێرکرینە کۆ ڕێزێ ل هەموو بیروو باوەران بگرین بێی جوداهی و برایێن مە یێن ئێزدی جهێ ڕێز و تقدیرێ نە و کارێن کەسێن وەک ڤان چ جار پێگەهـ و خەباتا گەلێ مە یێ ئاشتیخواز کێم ناکەت ، هەر وەها پێدڤیە سنور بۆ ئاخفتنێن هۆسا بهێنە دانان دا کۆ ب نیەتەکا خراب ئایین نەهێتە بکارئینان بۆ چێکرنا کەرب و کینێ دناف کۆمەڵگەهیدا .
لەوما دبێژم دین ڕێزگرتن و ئاشتی یە بلا ئەم پێکڤە کەلتوورێ پێکڤەژیانێ بپارێزین و بێ جوداهی .
